د طالبانو د رژیم ویاند په ډاډ سره ویلي چې سعودي عربستان به په کابل کې خپل سفارت ډېر ژر پرانیزي
سعودي عربستان چې د افغانستان په مقابل کې یې د تاریخ په اوږدو کې د اسلام اباد لوری نیولی او د پاکستان له رامنځته کېدو سره سم یې افغان خاورې ته له پاکستانه افراطي ډلې حمایه کړي، په دوحه کې د دوحې ۳مې ناستې ته د ګډون په موخه د تللي طالب پلاوي مشر ذبیح الله مجاهد سره په لیدنه کې ویلي چې ریاض به په کابل کې ډېر ژر خپل سفارت بېرته پرانیزي.
د طالبانو ویاند او د دوحې په غونډه کې د دغې ډلې د پلاوي مشر ذبیحالله مجاهد ویلي، سعودي عربستان غواړي چې ډېر ژر په کابل کې خپل سفارت بېرته پرانېزي.
د ذبیح الله مجاهد او د سعودي عربستان د استازي ترمنځ لیدنه
مجاهد یکشنبه د چنګاښ پر ۱۰مه په خواله شبکې اېکس کې لیکلي چې د دوحې درېیمې ناستې په څنډه کې یې د سعودي عربستان له استازي سره لیدلي دي.
نوموړي زیاته کړې چې په دې لیدنه کې د دواړو لوریو ترمنځ «رغنده خبرې» وشوې.
مجاهد ویلي چې ریاض له طالبانو سره د ښه تعامل غوښتونکی دی او دوی هم عربستان ته د مهم هېواد په سترګه ګوري.
سعودي عربستان تر اوسه په دې هکله رسمي څه ویلي نه دي.
نور ولولئ: ذبیح الله مجاهد: “د دوحې ۳مه ناسته کې د ګډون بشپړ چمتوالی لرو”
نور ولولئ: کابلوف افغانستان کې باید ټولګدونه حکومت جوړ شي
نور ولولئ: کابلوف: نړۍ دې حقیقت ته رسېږي چې طالبان د افغانستان قانوني مسئول دي
د دوحې درېیمه غونډه پېل شوې او په دې ناسته کې د طالبانو د پلاوي مشري ذبیحالله مجاهد کوي.
له ضمیر کابلو او ارګاشف سره لیدنه
نوموړي له دې وړاندې د افغانستان لپاره د روسیې له ځانګړي استازي ضمیر کابلوف او د ازبکستان له ځانګړي استازي عصمتالله ارګاشف سره لیدلي دي.
طالب ویاند ذبیح الله مجاهد ازبکستان د افغانستان یو مهم او قوي اقتصادي شریک بللی و. نوموړي ټینګار کړی و چې دغه اړیکې به نورې هم غښتلي کېږي.
د افغانستان لپاره د روسیې ځانګړې استازي ضمیر کابلوف بیا ویلي، روسیه ۸ کاله وړاندې پوهېده چې طالب ډله به واک ته رسېږي او د هېواد بشپړ واک به تر لاسه کوي.
که څه هم طالبانو بیا بیا ویلي چې نړۍ د طالبانو له رژیم سره د تعامل غوښتونکي ده، خو تر اوسه د نړۍ هېڅ هېواد هم دغه ډله په رسمیت نه ده پېژندلي.
کارپوهان وايي، طالبان که غواړي چې کورنی او نړیوال مشروعیت پیدا کړي، نو د نجونو پر مخ باید د زده کړو مراکز پرانیزي او ښځو ته د کار کولو اجازه ورکړي.
