اړوند خبرونه:
افغانستان ته د اوسپتنې پټلۍ له لارې ۷۱زره مټریک ټنه انتقالات
د افغان-ټرانس په اړه میرضیایف او پوتین له یوه او بل سره لیدلي دي
د روسیې د فدرالي امنیتي خدماتو (FSB) اعلان وکړ، چې په مسکو کې د برتانیا د سفارت دوه کارکوونکي استخباراتي فعالیتونو او پټو اقداماتو په تور پیژندل شوي او له دندې ګوښه شوي دي.
د FSB په هغه اعلامیه کې نن (دوشنبه، د مارچ ۱۰مه) راغلي، چې د سفارت دوهم سکرتر الکش اوددرا او د یو ډیپلومات میرمن مایکل سکینر د روسیې د امنیت پر وړاندې استخباراتي فعالیتونو او پټو اقداماتو کې ښکیل دي او باید د دوو اوونیو دننه د روسیې له خاورې ووځي.
د روسیې فدرالي امنیتي خدماتو د جزییاتو له ورکولو پرته ادعا وکړه چې د دواړو کسانو د جاسوسۍ کلک شواهد یې ترلاسه کړي او د امنیتي ګواښونو په ځواب کې یې د دوی ایسلو امر یې کړی دی.
دا اقدام د روسیې او بریتانیا ترمنځ د ډیپلوماټیکو کړکیچونو په پایله کې شوی، چې له کلونو راهیسې زیات شوي، په ځانګړې توګه په ۲۰۲۲ کال کې د روسیې له خوا پر اوکراین د برید وروسته، او اوس په خپل اوج کې دي ځکه چې د اوکراین د سولې خبرېاترې د بریتانیا او اروپا له شتون پرته تنظیمیږي.
