مشهور دیني عالم مفتي منیر شاکر په یوه چاودنه کې ووژل شو.
لومړیو کې د پولیسو په وینا مفتي شاکر او درې نور کسان د لاسي بم په چاودنه کې ټپیان شوي وو.
خو وروسته د LRH روغتون ویاند په یوه ویډیویي پیغام کې دا ومنله چې مفتي شاکر د سختو ټپونو له امله په روغتون کې ساه ورکړه.
نن ماښام مهال د خیبر پښتونخوا په اورمړو سیمه کې د نوموړي پر مدرسې لاسي بم غورځول شوی دی.
د برید مسوولیت تر اوسه کومې ډلې یا شخص نه دی منلی.
