ملاله یوسفزی ته ډطری افغانانو د کلیزې مبارکي ورکړه

د نوبیل جایزې کم عمره ګټونکې او د نجونو د تعلیم سترې مبارزې پښتنې ملالې یوسفزۍ د خپلې ۲۵مې کلیزې د لمانځلو عکسونه په ټولنیزو رسنیو کې خپاره کړي دي.

دا عکسونه ملالې یوسفزۍ د خپل ټویټر اکاونټ څخه خپاره کړي دي او د هغه خلکو څخه یې مننه کړې ده، چې هغې ته یې د کلیزې مبارکي ورکړې ده. همدا راز نوموړې ویلي دي، چې هغه د ډېرې خوشحالۍ احساس کوي او نوي کول ته چمتو ده، چې څه ورته نوي راوړي. ملالې یوسفزۍ ته د هغې په دغه ټویټ باندې هم ډېرو خلکو د کلیزې مبارکۍ ورکړي دي، 

په همدې لړ کې په تېر حکومت کې د ننګرهار پخواني والي ضیا الحق امرخېل هم ورته مبارکي ورکړې ده. هغه ملالې ته لیکلي دي، چې نورې بریاوې دې غواړم او موږ په تا ویاړو. همدا راز په تېر حکومت کې په پاکستان کې افغان سفیر او د افغانستان کرکټ بورډ پخواني عمومي رییس عاطف مشعل هم ورته د کلیزې مبارکي ورکړې ده او نېکې هیلې یې ورته څرګندې کړې دي

نور یی ولوله | ازبکستان د افغانستان په اړه نړیواله کنفرانس جوړوي

نور یی ولوله | پلازمینه کې درسي امکانات؛ زده کوونکي: ټولګي او درسي توکي نه لرو

د ملالې یوسفزۍ د کلیزې په ورځ پخواني ولسمشر حامد کرزي هم هغې ته د کلیزې مبارکي ورکړې ده او د هغې مبارزه یې د قدر وړ یاده کړې ده او د بریا غوښتنه یې ورته کړې ده نوموړي د تعلیم لپاره د هغې د مبارزې ستاینه هم کړې وه.هغه ېې د پښتنو لپاره ویاړلې ګڼړلې وه.

ملاله یوسفزۍ په ۱۹۹۷ کال کې د جولای په ۱۲مه نېټه په مینګوره کې د ضیا الدین یوسفزي په کور کې زېږېدلې ده، هغې د تعلیم په برخه کې، بیا په ځانګړې توګه د نجونو د تعلیم په برخه کې ډېر کار کړی دی او له همدې امله یې په ۲۰۱۴ کال کې د نوبیل نړیواله جایزه هم وګټله