اړوند مطالب:
عباس ستانکزی ازادې رسنۍ غواړي، خو بله ډله طالبان ورباندې محدودیت وضع کوي
عباس ستانکزی د ښځو زدکړې واجب بولي
د طالبانو د کورنیو چارو وزیر خلیفه سراج الدین حقاني چې ددې ډلې پر افراطي مشر ملا هیبت الله اخوند یې سختې نیوکې کولې، ۳۲ ورځې کېږي چې له کابله وتلی او په متحده عربي اماراتو کې مېشت دی.
له ښاغلي حقاني وړاندې د طالبانو د بهرنیو چارو وزارت سیاسي مرستیال عباس ستانکزي کابل پرېښود او د خوست له هوايي دګره متحده عربي اماراتو ته لاړ.
دوه ورځې وړاندې د طالبانو د ریاست الوزراء اقتصادي مرستیال ملا عبدالغني برادر اخوند هم له کابله خاموش ووت او قطر ته د ناروغۍ د درملنې په موخه د ۲۳ ورځو په موخه تللی دی.
د طالبانو په رژیم کې د اکثره لوړپوړي چارواکي د طالبانو د امیر ملا هبیت الله د فرمانونو پر وړاندې له بېلابېلو لارو خپل اعتراض ښکاره کوي چې په دوی کې ملا برادر اخوند هم دی.
ملا برادر هم له هغو فرمانونو ناخوښ ښکاري چې د نجونو په مخ یې د کار او زده کړو مخه نیولي ده.
د طالبانو اکثره لوړ پوړي چارواکي په افغانستان کې د نجونو او ښځو د کار پر مخنیوي ناراضا دي، خو د کندهار سخت دریځه ډله بیا نه غواړي چې د ښځې د زده کړو او کار کولو حق ولري.
