داسې راپورونه ورکړل شوي چې راتلونکې یک شنبه د پاکستان ملي اسمبلي به د پاکستان لومړی وزیر وټاکي
هاخوا د تحریک انصاف په څېر ګوندونه وايي چې د پاکستان په وروستیو پارلماني ټاکنو کې د ای ایس ای لاس و او درغلي هم په کې شوې ده.
خو پر دې سربېره بیا ځینو نورو ګوندونو هوکړه کړې چې ایتلافي حکومت جوړ او د پاکستان لپاره په پرلمنان کې لومړي وزیر ته رایه ورکړي.
د پاکستان ولسي جرګه یا ملي اسمبلۍ نوي ټاکل شوي غړي به د یکشنبې پر ورځ (مارچ درېیمه) د هېواد نوی لومړی وزیر انتخاب کړي.
په درې بجو د نوماندانو د اسنادو ارزونه
د پنجشنبې پر ورځ د پاکستان ملي اسمبلې له دفتره په یوه خپره شوې اعلامیه کې ویل شوي او هم پاکستاني رسنیو راپور ورکړی، چې د اسمبلۍ غړي به پر یکشنبه ‘یو مسلمان غړی د لومړي وزیر په توګه وټاکي.’ د دې اعلامیې له مخې د لومړي وزارت کاندیدان باید د مارچ تر دویمې نېټې پورې د کاندید کېدو اسناد یاد دفتر ته وسپاري او پر همدې ورځ درې بجې به یې د اسنادو ارزونه هم وشي.
له دې مخکې د پاکستان ملي اسمبلۍ نویو غړو نن پنجشنبه د لوړې مراسم ترسره کړل او نن (جمعه) به د نوې ملي اسمبلۍ لپاره مشر او مرستیال مشر ټاکل کېږي.
نور ولولئ: شهباز شریف ۵ ګوندونو ایتلاف کې د لومړي وزیر څوکۍ ته ځان نوماند کړ
نور ولولئ: پاکستان کې پر ګډ حکومت د مسلم لیګ نواز او پیپلز ګوند هوکړه
نور ولولئ: نن پاکستان کې پارلماني ټاکنې کېږي
د یادونې ده، چې د پاکستان مسلم لیګ (ن) ګوند له لوري شهباز شریف د لومړي وزارت لپاره کاندید انتخاب شوی دی، چې د پاکستان خلکو ګوند یا پیپلز پارټۍ او متحده قومي غورځنګ یا (ایم کیو ایم) ګوند او ځینو نورو ګوندونو ملاتړ هم ورسره دی.
د نواز شریف او عمر ایوب خان ترمنځ سیالي
بل لور د پاکستان تحریک انصاف ګوند له لوري د تحریک انصاف ګوند له لوري له ښاغلي شریف سره د لومړي وزارت څوکۍ ترلاسه کولو سیالۍ لپاره د عمر ایوب خان نوم د کاندید په توګه اعلان شوی دی، چې د سني اتحاد شورا له لوري به د کاندید په توګه وړاندې شي.
خو د تحریک انصاف پاکستان، جمعیت علمای پاکستان، په بلوچستان، پښتونخوا او نور الایتونو کې ګوندونه بیا د پاکستان د ۱۶دورې اسمبلۍ ټاکنې شفافې نه بولي او له همدې امله یې له ټاکنو وروسته اعتراضونه هم کړي دي.
د یادونې ده، چې د قانون له مخې د پاکستان لومړي وزارت ته کاندید کس ته باید د ملي اسمبلۍ لږ تر لږه ۱۶۹ غړي د تائید رایې ورکړي.
