د امریکا بهرنیو چارو وزارت وايي چې لا یې هم افغانستان تر کلک څار لاندې دی
د امریکا د بهرنیو چارو وزارت ویاند د پنجشنبې په ورځ افغانستان انټرنشنل ته وویل، چې طالبان واشنګټن ته په افغانستان کې د ترهګریزو فعالیتونو د زیاتوالي په اړه ځواب ورکوونکي دي.
میتو مېلر په کابل کې د اېمن الظواهري وژلو ته په اشارې په تونده ژبه وویل، چې افغانستان د امریکا تر نظر لاندې دی.
ښاغلي مېلر د یوې خبري ناستې پر مهال په افغانستان کې د ترهګریزو کړنو د زیاتوالي په اړه خبرې کولې.
طالبان باید پر خپلو ژمنو ودرېږي
هغه د افغانستان انټرنشنل د خبریالې مرضیه حسیني د پوښتنې په ځواب کې وویل، طالبان باید پر هغو ژمنو ودرېږي چې د ترهګرۍ د مخنیوي په اړه یې کړې دي.
طالبان د القاعده په شان ډلې ترهګرې نه بولي او د سیمې او لویدیځو هېوادونو د غوښتنو سره، سره هم له افغانستانه د هغوی اېستلو ته زړه نه ښه کوي.
نور ولولئ: د امریکا بې پېلوټه هم پر غزه ګزمې کوي
نور ولولئ: د امریکا مخکښ ډیپلوماټ هنري کیسینجر د ۱۰۰ کالو په عمر ومړ
نور ولولئ: د امریکا خزانې وزارت د ولسي جرګې پخوانی مشر او زوی په مالي فساد ککړ بللي
طالبانو ویلي، دغو ډلو ته اجازه نه ورکوي چې په نورو هېوادونو بریدونه وکړي.
د سیمې هېوادونه په ځانګړې توګه په افغانستان کې د وسلهوالو ډلو له شتون څخه په اندېښنه کې دي.
پاکستان په بېلابېلو ویناوو کې ویلي، چې افغان طالبان د ټيټيپي او په هغو پورې د تړلو ډلو مخه نه نیسي چې په پاکستان کې بریدونه کوي.
له طالبانو د امریکا غوښتنه
د امریکا د بهرنیو چارو وزارت ویاند له طالبانو وغوښتل، چې د ترهګرو وسلهوالو ډلو پر ضد دې ګام واخلي.
هغه په افغانستان کې د القاعده شبکې د مشر اېمن الظواهري وژنې ته په اشارې په څنګ زنه توګه خبرداری ورکړ، چې امریکا به د اړتیا په وخت کې د ننه په افغانستان کې دغه ډلې په نښه کړي.
هغه وویل:« په افغانستان کې ټول حالات زموږ تر څار لاندې دي.»
د القاعده شبکې مشر اېمن الظواهري د زمري په اتمه نېټه په کابل کې د امریکا د هوايي برید په پایله کې ووژل شو. طالبانو په افغانستان کې د هغه شتون او وژنه رد کړه.
القاعده ډلې هم د خپل نوي مشر د ټاکلو په برخه کې او همدا رنګه یې د اېمن الظواهري د وژنې د بڼې په اړه چوپتیا غوره کړې ده.
خو لا هم د منځنۍ اسیا هېوادونه له افغانستانه د ناامنۍ ویره لري او څو ځله یې ویلي چې داعش په افغانستان کې د ودې په حال کې دی.
