رحمت الله نبیل، تاجکستان ته د پاکستان د صدراعظم شهباز شریف له سفر پرده پورته کړي ده
د افغانستان دغه د ملي امنیت پخوانی رئیس وايي، د پاکستان ستونزه د افغانستان له نظامونو، اشخاصو، فرهنګونو او نورو سره نه، بلکې له دغه جغرافیې سره ده.
ښاغلي نبیل دغه څرګندونې تر هغه وروسته کړي، چې د پاکستان لومړی وزیر شهباز شریف د روانې میاشتې په دولسمه نېټه په دوه ورځني رسمي سفر تاجکستان ته ولاړ.
پاکستان هڅه کوي چې د ترهګرۍ د ځپلو په نوم یوه بله سناریو د تاجکستان په مرسته تطبیق کړي.
پاکستان او د هندوکش اقتدار
نوموړي د تاجکستان له ولسمشر امام علي رحمن سره په ګډه خبري ناسته کې ویلي، چې دواړه هېوادونه د ترهګرۍ قربانیان دي.
جیو نیوز د شهباز شریف له قوله ویلي، چې پاکستان د ۲۰۱۷ کال راهیسې هڅه کوي، چې د ترهګرۍ جرړې وباسي او په دې برخه کې یې ستره بیه هم پرې کړې؛ خو د نوموړي په وینا لا هم ترهګري په سیمه کې مخ په ډېرېدو ده.
نور ولولئ: طالبانو په غزني کې د ډرن الوتکې برید رد کړ
نور ولولئ: رحمت الله نبیل: طالبان د نړیوالو د غوښتنو له پوره کولو عاجز دي
نور ولولئ: نبیل وايي چې محب باید هماغه وخت د دوحې تړون پټې ضمیمې ولس ته روښانه کړي وای
اوس رحمت الله نبیل په خپله نوې لیکنه کې ویلي، چې له افغانستان سره د پاکستان مساله یوازې د ډېورنډ فرضي کرښه نه ده، بلکې پاکستان د هندوکش له اقتدار او د امو له صلابت سره هم ستونزه لري.
نوموړی چې د افغانستان او پاکستان ترمنځ ستونزې جغرافیایي مساله یادوي همداراز وایي: «مونږ باید غافلګیر نه شو او نه باید د پاکستان د حنجرې وسیله وګرځو.»
د افغانانو د یووالي اړتیا
د افغانستان د ملي امنیت پخوانی مشر وایي، چې پټې ناستې، ژمنې او د چترال په شان ځایونو کې د دفترونو پرانیستل تکراري تګلارې دي.
رحمت الله نبیل ټینګار کوي: «اوس د افغانانو د اتحاد، د یو بل منل او د یو بل ترڅنګ د درېدو وخت دی، نه د بې اتفاقۍ.»
پاکستان چې له لسیزو راهیسې په سیمه کې د ترهګرو د اصلي ځالې په نوم یادېږي وایي، چې پر افغانستان د طالبانو له واکمنېدو وروسته ترهګري زیاته شوې او د دوی مخالفې وسلهوالې ډلې په افغانستان کې مرکزونه او پټنځایونه لري.
تازه د پاکستان د بهرنیو چارو وزیرې له طالبانو غوښتي، د هغو ډلو پرضد اقدام وکړي، چې په پاکستان کې وسله وال بریدونه کوي او ددغه هېواد پوځ او نورو ته تلفات اړوي.
خو طالبان بیا وايي چې په پاکستان کې د افغان له خاورې بریدونه نه کېږي.
