د ۲۰۲۶ کال شل اوریز نړیوال جام د اته غوره لوبډلو په پړاو کې نن دوه مهمې لوبې ترسره کېږي؛ د سویلي افریقا، ویسټ انډیز او هندوستان بخت به په دغو سیالیو کې روښانه شي.
د کرکټ د مینه والو پام یو ځل بیا د ۲۰۲۶ کال شل اوریز نړیوال جام ته اوښتی دی، ځکه د دغه تورنمنټ د اته غوره (Super 8) لوبډلو په پړاو کې نن دوه مهمې لوبې ترسره کېږي. دغه سیالۍ د نیمه پایلوبې یا سیمي فاینل ته د رسېدو په برخه کې د لوبډلو لپاره برخلیک ټاکونکې بلل کېږي.
نن دوه مهمې لوبې، لومړۍ لوبه: سویلي افریقا د ویسټ انډیز پر وړاندې
د نن ورځې په لومړۍ ستره سیالۍ کې سویلي افریقا او ویسټ انډیز یو د بل په وړاندې ډګر ته ښکته کېږي. دا لوبه په داسې حال کې ترسره کېږي چې دواړو لوبډلو په اته غوره پړاو کې تر اوسه ماته نه ده خوړلې. ویسټ انډیز له وړاندې دوه بریاوې لري؛ هغوی زمبابوې او کوربه سریلانکا ته ماتې ورکړې ده. دغه لوبه د افغانستان په وخت ماسپښین دوه بجې پیلېږي او د نن دوه مهمې لوبې په لړ کې تر ټولو حساسه بلل کېږي.
نن دوه مهمې لوبه، دویمه لوبه: هند د زمبابوې په وړاندې
په دویمه لوبه کې د نړۍ پیاوړې لوبډله هند د زمبابوې په وړاندې بخت ازمويي. هند وروسته له هغه تر فشار لاندې دی چې خپله لومړۍ لوبه یې سویلي افریقا ته بایللې ده. د هندوستان لپاره دا بریا اړینه ده ترڅو په نړیوال جام کې خپل سفر ژوندی وساتي. له همدې امله د کرکټ مینه وال په بې صبرۍ سره د نن دوه مهمې لوبې پایلو ته انتظار باسي.
د نورو لوبډلو وضعیت او د پاکستان برخلیک
باید وویل شي چې کوربه سریلانکا تېره شپه نیوزیلنډ ته له ماتې وروسته په رسمي ډول له نړیوال جام څخه بهر شوه. بل پلو، د پاکستان د نیمه پایلوبې سفر په لاندېنیو شرایطو پورې تړلی دی:
۱. که انګلستان نیوزیلنډ ته په ۱۵ منډو ماتې ورکړي، پاکستان باید سریلانکا ته په ۵۵ منډو ماتې ورکړي.
۲. که انګلستان نیوزیلنډ ته په ۱ منډه ماتې ورکړي، پاکستان باید سریلانکا ته په ۶۹ منډو ماتې ورکړي.
۳. که نیوزیلنډ انګلستان ته ماتې ورکړي، نو پاکستان به په رسمي ډول له سیالیو بهر شي.
د ۲۰۲۶ کال شل اوریز نړیوال جام اته غوره پړاو اوس خورا جنجالي حالت ته رسېدلی دی. په دغه پړاو کې هند، پاکستان، سریلانکا، نیوزیلنډ، ویسټ انډیز، سویلي افریقا، انګلستان او زمبابوې لوبډلې شاملې دي، خو د نن دوه مهمې لوبې به د ډېرو لوبډلو راتلونکی مسیر روښانه کړي.
