نړیوال بانک وایي، په افغانستان کې سیاسي بحران د دې هېواد خصوصي سکټور ډېر ځپلی دی.
دې بانک پرون پنجشنبه د افغانستان د خصوصي سکټور په اړه د یوې چټکې سروې نتیجه خپره کړې او د پوښتونکو سوداګرو له درېیو یوهیې ویلي چې د ۲۰۲۱ کال د اګسټ له میاشتې وروستهیې خپل کاروبار په موقت ډول ځنډولی دی، خو نورو چې خپل فعالیت ته دوام ورکړی، ویلي چې د اړتیاوو کمېدو ته په پام اړ شوي چې خپل کاروبار له سره تنظیم کړي.
نړیوال بانک د خصوصي سکټور په اړه دغه چټکه سروې د تېر کال په اکټوبر او نومبر میاشتو کې ترسره کړې ده.
نور یی ولوله | ننګرهار کې د مرمر ډبرو او ګچو ۲۷ کارخونې تړل شوي دي
اکثریت ګډونوالو یعنې ۸۲ سلنهیې ویلي چې د تولیداتو او د خدمتونو پېرېدونکي یې خورا کم شوي او اړ شوي چې فعالیت کم، پانګونه کمه او کارکوونکي رخصت کړي.
د دغې سروې له مخې کوچني شرکتونه ډېر ځپل شوي او ۳۸ سلنو یې خپل فعالیت په موقت ډول درولی دی.
د سروې له مخې سیاسي بحران تر ټولو زیات منفي اغېز پر ښځینه زیانګالو سوداګرو شیندلی دی. د سوداګرو ښځو ۴۲ سلنو یې ویلي چې خپل کارونهیې په موقت ډول درولي دي.
ليكوال
زرینه نوري یوه د ټولنیزو مسلو خبریاله ده چې د ښځو د حقونو، د زدهکړې د لاسرسي، او د ټولنې د پرمختګ په اړه لیکنې کوي. د هغې راپورونه د ټولنیز بدلون، برابرو فرصتونو، او د افغان ښځو د ځواکمنېدو موضوعات روښانوي.
