اړوند خبرونه:
جرمني وايي، په پاکستان کې د افغان کډوالو حالت ډېر خراب شوی
اسلام اباد: دا ځل به د افغان کډوالو د ایستلو لړۍ په پراخه کچه پیل شي
منظور پشتین: ایران کې له افغان کډوالو سره نامناسب چلند غندو
شاوخوا ۷۰ تنه افغانان د پاکستان له زندانونو خوشې او هېواد ته راستانه شول.
د طالبانو د حکومت د مهاجرینو او راستنیدونکو چارو وزارت د یوې اعلامیې له مخې ۶۶ افغانان چې د قانوني اسنادو د نشتوالي له امله په پاکستان کې بندیان وو، د تورخم له لارې بیرته افغانستان ته راستانه شول.
په همدې حال په کراچۍ کې د طالبانو د حکومت کونسل سيد عبدالجبار تخاري وايي، دغه راز د راحيله په نوم يوه مېرمن، چې له دوو کلونو راهيسې د کراچۍ په مرکزي زندان کې له خپل خاوند او ماشوم سره بندۍ وه، د همدې کونسلګرۍ د هڅو په پايله کې راخوشې شوه.
د یادونې ده چې هره ورځ لسګونه افغانان د پاکستان له زندانونو آزادېږي او افغانستان ته استول کېږي.
پاکستان په دې وروستیو کې د افغان کډوالو د زنداني کولو او شړلو پروسه چټکه کړې ده،چې په کور دننه او د باندې یې اندېښنې راپورته کړې دي.
د بشر حقونو د ملاتړ نړیوالې ادارې د پاکستان له حکومت نه غوښتنه کوي،چې له کډوالو سره په چلند کې د سختۍ پر ځای نرمۍ نه کار واخلي او بدیله لار غوره کړي.
