د امریکايي شرکت، اکسپرس اړوندې بوئینګ ۷۶۷ بار وړونکې الوتکې د نیویارک په «نیوآرک» هوايي ډګر کې د اور اخیستنې له امله بېړنۍ ناسته کړې ده.
د این بي سي نیوز په راپور کې ویل شوي چې دا پیښه هغه وخت رامنځته شوه کله چې یوه بار وړونکې الوتکه د نیوارک لیبرټي نړیوال هوايي ډګر څخه له الوتنې وروسته له یوې مرغۍ سره ټکر شوه. د ټکر له امله د الوتکې په یوه انجن کې اور ولګېد، چې په پایله کې یې پیلوټان
د نیویارک او نیوجرسي د بندرونو ادارې ویلي چې الوتکه د نیوارک په هوايي ډګر کې له الوتنې څو دقیقې وروسته په بریالیتوب سره ښکته شوې ده. “له نېکه مرغه، په دې پېښه کې چاته مرګژوبله نه ده اوښتې، او د پېښې د جزئیاتو د څېړلو لپاره څېړنې پیل شوې دي.“
له الوتکو سره د مرغیو ټکر د هوايي چلند په صنعت کې یوه جدي ننګونه بلل شوې، چې د الوتکې موتور او څرخونو ته زیان پېښولی شي. دا پیښې معمولاً د الوتنې یا ناستې پرمهال کېږي، کله چې الوتکه په ټیټه ارتفاع کې وي له مرغیو سره د ټکر پېښې رامنځته کېږي.
د هوايي چلند نړیوالو ادارو تل ‘هوايي ډګرونو ته د مرغانو د مخنیوي سیستم په ګډون’ د دې ډول پیښو د خطر کمولو لپاره حل لارې وړاندې کړې دي.
