نیپال د عمان ملي لوبډلې پر وړاندې په شل اوریزه نړیواله لوبه کې په ۶ ویکټو په زړه پورې بریا ترلاسه کړه.
دا لوبلړۍ چې د ایرلېنډ، متحده عربي اماراتو، نیپال او عمان لوبډلو ترمنځ د عمان په الامارات کرکټ لوبغالي کې ترسره کېږي. لومړۍ لوبه یې د نیپال او عمان ترمنځ وه، چې نیپال د پچې تر ګټلو وروسته توپ اچونه غوره کړه.
عمان په ټاکلو ۲۰ اورونو کې د ۶ لوبغاړو په سوځېدو ۱۳۵ منډې وکړې، چې له ډلې یې ذیشان مقصود ۴۳ او محمد ندیم ۳۱ منډې وکړې.
نور یی ولوله | د مڼې له دې حیرانوونکو ګټو هم خبر شئ
د نیپال لخوا ابینش بوهرا ښه توپ اچونه وکړه، هغه درې لوبغاړي وسوځول، همدا راز سندیپ لمیچاني، عارف شیخ او کمال ایري ۱-۱ ویکټ ترلاسه کړې.
د ۱۳۶ منډو هدف د نیپال لوبډلې په ۱۹ اورونو کې د ۴ لوبغاړو په سوځېدو پوره کړ او عمان لوبډلې ته یې په ۶ ویکټو ماتې ورکړه.
د دوی له خوا دیپندرا سینګ ۷۳ او عارف شیخ ۲۵ زیاتې منډې وکړې. د عمان له خوا کلیم الله ۲ او خاور ۱ ویکټ ترلاسه کړې. د لوبې د غوره لوبغاړي جایزه دیپندر سینګ ترلاسه کړه.
