په هرات کې پر مکي وګړو برید لږ تر لږه ۴ تنه ووژل او ۱۵ نور یې ټپیان کړل. د انجیل ولسوالۍ د دهمهري کلي د دغه تروریستي برید، د قربانیانو د هویت او د یوه شکمن کس د نیول کېدو په اړه بشپړ جزیات دلته ولولئ.
د هرات ولایت سیمهییز چارواکي وایي چې د دې ولایت په انجیل ولسوالۍ کې د جمعې ورځې په تروریستي برید کې ګڼو ملکي وګړو ته مرګژوبله اوښتې ده. هرات کې پر مکي وګړو برید په داسې حال کې وشو چې خلک د تفریح لپاره د “دهمهري” کلي ته تللي وو.
د پېښې جزیات او د مرګژوبلې شمېر
د هرات د اطلاعاتو او کلتور رئیس، مولوي احمدالله متقي په یوه خبرپاڼه کې ویلي چې دا پېښه د مازدیګر په درې بجو “سید محمد آغا” زیارت ته نږدې رامنځته شوې ده. هغه تایید کړه چې په دغه برید کې لږ تر لږه ۴ کسان وژل شوي او ۱۵ نور ټپیان دي. په ټپیانو کې یو ماشوم، دوه ښځې او ۱۲ نارینه شامل دي، چې دا ښيي هرات کې پر مکي وګړو برید څومره بېرحمانه و.
بل لور ته، د کورنیو چارو وزارت ویاند عبدالمتین قانع بیا د لومړنیو ارقامو له مخې د وژل شویو شمېر ۷ تنه او د ټپیانو شمېر ۱۳ تنه ښودلی و. د نوموړي په وینا، بریدګر پر موټرسایکل سپاره وو او پر بېګناه خلکو یې ډزې کړې دي.
د امنیتي ځواکونو غبرګون او پلټنې
د اطلاعاتو او کلتور رئیس زیاته کړه چې تر پېښې وروسته امنیتي ځواکونه سمدستي سیمې ته رسېدلي دي. په همدې تړاو یو شکمن کس نیول شوی او د نورو عاملانو د پېژندنې لپاره جدي پلټنې روانې دي. هرات کې پر مکي وګړو برید وروسته، د هرات والي شیخ مولانا اسلامجار او د امنیې قوماندان روغتون ته ورغلل او د ټپیانو د درملنې لپاره یې جدي لارښوونې وکړې.
د برید مسؤلیت او شالید
تر اوسه پورې هیڅ یوې ډلې د دغه برید مسؤلیت په غاړه نه دی اخیستی. خو د چارواکو په وینا، په تېر کې ورته ډله ییز بریدونه داعش ډلې کړي دي. د طالبانو چارواکو وړاندې ویلي و چې د دې ډول ډلو مرکزونه په پاکستان کې دي. هرات کې پر مکي وګړو برید یو ځل بیا د تفریحي ځایونو د خوندیتوب او د ملکي وګړو د امنیت په اړه اندېښنې راپارولې دي.
دا پېښه په داسې حال کې کېږي چې د هرات اوسېدونکي له حکومت څخه د داسې پېښو د مخنیوي او د عاملانو د سخت مجازات غوښتنه کوي.
