اړوند خبرونه:
د طالبانو اعلامیه: د هند او پاکستان تر منځ زیاتېدونکی کړکېچ د اندېښنې وړ دی
هند پر پاکستان د «سندور» عملیات پیل او ۹ سیمې یې په نښه کړي
کشمیر کې د تاوتریخوالي له امله، له هند سره د افغانستان سوداګري په ټپه ودرېده
اسلام اباد: “هند به په راتلونکو څو ساعتونو کې پر پاکستان برید وکړي”
امیر خان متقي وايي، رسمیت پېژندنه د فشار په توګه کارول کېږي
هندي رسنیو ویلي، د طالبانو بهرنیو چارو وزیر امیرخان متقي یې لېږلي بلنه بېرته ګرځول شوې ده
راپورونو له مخې د هند حکومت د طالبانو د بهرنیو چارو وزیر، امیرخان متقي ته د سفر بلنه ورکړ وه، خو د ملګرو ملتونو د بندیزونو کمېټې اجازې نه ترلاسه کولو له امله اخیستل شوې ده.
ټاکل شوې وه، چې امیرخان متقي د روانې اوونۍ له ۲۷ مې تر ۲۹ مې هند سفر وکړي.
که څه هم هند ته د متقي د سفر بندیز په اړه د امریکا د فشار په تړاو څه نه دي ویل شوي، خو له دې وړاندې نوموړی پاکستان ته د امریکا د فشار او اجازې نه ترلاسه کولو له امله له سفر منع شو.
د طالبانو بهرنیو چارو وزارت پاکستان او اوس هند ته د متقي د سفر اجازې نه ترلاسه کولو له امله کوم دریځ نه دی روښانه کړی.
د امیرخان متقي نوم د امنیت شورا د بندیزونو نوملړ کې د ۱۹۸۸ پرېکړه لیک له مخې شامل دی.
که څه هم له دې وړاندې د امیرخان متقي په ګډون د طالبانو چارواکو بهرني سفرونه کړي دي، خو پاکستان او اوس هند ته د هغه د سفر اجازې نه ورکړې اصلي لامل نه دی روښانه شوی.
