اړوند خبرونه:
د افغانستان زلزلې ځپلو ته د متحده عربي اماراتو بېړنۍ مرستې او ژغورونې ټیم
د افغانستان ختیځ دوو شدیدو زلزلو ولړزاوه
زلزله؛ د مړو شمېر ۱۰۰۰ او د ټپیانو شمېر ۲۵۰۰ ته ورسېده
د تېرې شپې زلزلې له امله په سمنګان کې له اوښتې مرګژوبلې وروسته د افغاني سرې میاشتې ټولنې ویلي چې د یاد ولایت «خلم» ولسوالۍ ته ژغورونکي ټیمونه رسېدلي او خدمات پیل شوي دي.
سرچینې لیکلي چې زلزلهځپلو ته د افغاني سرې میاشتې د ګرځنده ټیمونو، کارکوونکو او رضاکارانو له خوا د ټپیانو او شهیدانو پلټنې او د لومړنيو روغتيايي مرستو خدمات پيل شوي دي.
په سمنګان کې د تېرې شپې خونړۍ زلزلې له امله له ۱۰ ډېر کسان مړه او ۲۶۰ نور ټپیان شوي دي.
د عامې روغتیا وزارت ویاند ډاکټر شرافت زمان ویلي چې تېره شپه شاوخوا یو بجه د سمنګان ولایت د نخچیر په سیمه کې د زلزلې له امله لسګونه کسان شهیدان او ټپیان شوي دي.
بلخ او سمنګان ولایتونو کې د تېرې شپې زلزلې له امله ۳۵۰ تنه مړه او ژوبل شوي
نوموړي زیاته کړې چې د لومړنیو معلوماتو له مخې تر دې دمه له ۲۶۰ ډېر ټپیان او له لسو زیات شهیدان روغتونونو ته انتقال شوي دي.
د سرچینې په وینا چې دا شمېرې لا هم د بدلون په حال کې دي، ځکه د ژغورنې ټیمونه لا هم په سیمه کې په فعالیت بوخت دي.
د عامې روغتیا وزارت وایي، چې روغتیایي ټیمونه سیمې ته رسېدلي او د رهبرۍ له خوا ټولو نږدې روغتونونو ته د بشپړې تیارۍ امر شوی دی.
د زلزلې له امله د سمنګان ځینې سیمو ته جدي زیان رسېدلی، او چارواکي وايي هڅې روانې دي، څو ژر تر ژره له اغېزمنو شویو سره مرستې وشي.
