اړوند خبرونه:
د افغانستان کانونه؛ قراردادونه یې شفاف او استخراج یې مسلکي نه دی
د افغانستان سرپل ولایت کې هره ورځ د ۹۰۰ټنه نفتو استخراج
د امریکا ولسمشر ډونالډ ټرمپ د سوداګریز کسر د کمولو او د کورني تولید د ملاتړ لپاره، د افغانستان او نورو هېوادونو څخه پر ټولو وارداتو ۱۰ سلنه تعرفه وضع کړې ده.
ټرمپ د چهارشنبې په ورځ، د حمل ۱۳مه، په سپینه ماڼۍ کې اعلان وکړ چې دا تعرفه به د مختلفو هېوادونو پر ټولو وارداتو تطبیق شي، په داسې حال کې چې ځینې هېوادونه لکه اروپایي اتحادیه، چین، هند، او جاپان به د لوړو تعرفو سره مخامخ دي.
ټرمپ ټینګار وکړ چې دا پالیسي د هغو تعرفو په ځواب کې ده چې نورو هېوادونو د امریکایي توکو پر وارداتو وضع کړې دي.
په ورته وخت کې، پر چین د ۳۴ سلنه تعرفه او پر اروپایي اتحادیه او ځینو نورو هېوادونو د ۲۰ سلنه تعرفه هم وضع شوې ده.
ټرمپ د دې تعرفو هدف د نړیوالې سوداګرۍ عدالت ته د بېرته راوړلو په توګه یاد کړ.
دا اقدام ممکن د نړیوال اقتصاد او د امریکا د سوداګریزو اړیکو لپاره پراخې پایلې ولري.
د افغانستان د صادراتو یوه لویه برخه امریکا ته قالین او وچې مېوې دي.
پر دې توکو د ۱۰ سلنه تعرفې وضع کول ممکن په امریکا کې د دې توکو د قیمتونو د زیاتېدو یا د افغانستان د صادراتو د کچې د کمېدو لامل شي.
