تحریک طالبان پاکستان وايي، د پاکستاني پوځ په عملیاتو کې ددې ډلې د مشرتابه شورا غړی شهید شوی دی
تحریک طالبان پاکستان منلې چې د ډېره اسماعیل خان په ټانګ کې د پاکستان پوځ د وړمې ورځې (لیندۍ ۲۸مې) په عملیاتو کې د دوی د مشرتابه شورا غړی «مولانا طحه» شهید شوی. د پاکستان پوځ ویلي، چې د چهارشنبې په ورځ یې په ټانګ کې د عملیاتو پر مهال اوه وسله وال شهیدان کړي دي.
تحریک طالبان پاکستان تېره شپه ناوخته د یوې خبرپاڼې په خپرولو سره ویلي، چې د دغې ډلې د مشرتابه شورا غړی «مولانا طحه» د خیبرپښتونخوا ډېره اسماعیل خان په ټانګ ولسوالۍ کې د پاکستان پوځ د وړمې ورځې په عملیاتو کې شهید شوی.
د تحریک طالبان پاکستان اعلامیه
د ټي ټي پي د ویاند محمد خراساني له لوري په خپره شوې خبرپاڼه کې ویل شوي: «د تحریک طالبان پاکستان د رهبرۍ شورا او دارالافتاء فعال غړی او د جنوبي زون د ابتداییه محکمې مرستیال مشر او د سوات جید عالم، مولانا طحه د ډېره اسماعیل خان په ټانګ ولسوالۍ کې د شهادت لوړ مقام ترلاسه کړ.»
د پاکستان پوځ په رسمي ډول په دې اړه څه نه دي ویلي.
نور ولولئ: د پښتو له قامي جرګې د خلکو د پام اړولو لپاره د پاکستاني پوځ هلې ځلې
نور ولولئ: د پښتو له قامي جرګې د خلکو د پام اړولو لپاره د پاکستاني پوځ هلې ځلې
نور ولولئ: ټي ټي پي: له پښتون ژغورنې غورځنګ سره کار نه لرو
د پاکستان استخباراتو ته منسوبو ایکس پاڼو هم لیکلي، چې د پاکستان پوځ په بریالیو عملیاتو کې وړمه ورځ چهارشنبه د ډیره اسماعیل خان په ټانګ کې یې اوه وسله وال شهیدان کړي، چې د هغوی په ډله کې د دغې ډلې د مشرتابه غړی مولانا طحه هم موجود دی.
دغه عملیات چېرته شوي؟
د پاکستان پوځ د عامه اړیکو دفتر ویلي، چې د ډیسمبر په ۱۷مه او ۱۸مه نیټه یې د جلا، جلا پوځي عملیاتو پر مهال د خیبرپښتوخوا په شمالي وزیرستان، ټانګ او مومندو ولسوالۍ کې یې ۱۱ وسله وال شهیدان کړي دي.
د پاکستان پوځ د عامه اړیکو دفتر د چهارشنبې ورځ د (لیندۍ ۲۹مه) د یوې خبرپاڼې په خپرولو سره ویلي، چې په تېرو دوو ورځو کې د خیبرپښتونخوا په ټانګ ولسوالۍ کې د پوځي عملیاتو پر مهال اوه وسله وال شهیدان کړي او له دوی یې ځينې وسلې هم نیولې دي.
خو پاکستاني پوځ په دغو وژل شویو کې د ټي ټي پي د مشرتابه شورا د غړي د شهیدانېدو په اړه په دغې خبرپاڼه کې څه نه و ویلي.
