نړیوال خبرونه

پاکستان د سلسله عليخېل په قضیه کې نیول شوي کسان ازاد کړل

پاکستان د سلسله عليخېل په قضیه کې نیول شوي کسان ازاد کړل.د پاکستان د کورنیو چارو وزیر شېخ رشید یو ځل بیا خپله سپین سترګي ښکاره کړه او د سلسله عليخېل تښتول یې د پاکستان د بدنامۍ هڅه یاده کړه.

او وې ویل چې داسې هېڅ پېښه نه ده شوې،دوي وايي د افغان سفیر لور په خپله تللې وه او چا نه ده تښتولې.له پاکستاني رسنیو سره په یوه خبري ناسته کې شیخ رشید وویل، چې هغه کسان چې د افغان سفیر د لور د تښتولو په ډرامه کې نیول شوي و، بېرته خوشې شوې دي.هغه وویل، چې دا ټېکسي چلوونکي غریب او بې ګناه خلک و،

دوی د خپلې کورنۍ لپاره نفقه پېدا کوي، سهار له کوره راوځي او ماښام بېرته د خپلو اولادونو لپاره خپلو کورونو ته ځي.شیخ رشید دا هم وویل، چې کله د افغانستان د بهرنیو چارو وزارت چارواکي راشي، نو ټول اسناد به ورته وړاندې کړم،چې د افغان سفیر لور په ۶ ټېکسیانو کې تللې وه،

20210731 150201

دوی ته یې د کرایه تر څنګ بخشش هم ورکړی و.هغه دا هم وویل، چې ټولې ویډیوګانې او نور اسناد مې هم د بهرنیو چارو وزارت ته ورکړي دي، دا نور د هغوی کار دی او زه په دې کې هېڅ کار نه لرم.د یادولو وړ ده چې په اسلام اباد کې د افغان سفیر لور سلسله عليخېل تښتول شوې وه،

او په غبرګون کې یې ولسمشر له پاکستان نه سفیر او ډیپلوماټان هم راوغوښتل او د پاکستان له حکومت یې غوښتنه وکړه، چې په دغه قضیه کې ښکېل کسان دې ونیسي او د افغان سفیر د امنیت ډاډ دې ورکړي، نو بیا به سفیر ورولېږي.

Zoar

زواریو ځوان لیکوال دی چې له نړۍ سره د خپل کار د شریکولو شوق لري. هغه د نوي لیکلو سټایلونو سره قوي علاقه لري او تل هڅه کوي د لا ډیر تخلیقي کیدو لارې ومومي.

اړوند خبرونه

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button