اړوند خبرونه:
د طالبانو اعلامیه: د هند او پاکستان تر منځ زیاتېدونکی کړکېچ د اندېښنې وړ دی
هند پر پاکستان د «سندور» عملیات پیل او ۹ سیمې یې په نښه کړي
مجاهد اسلام اباد ته؛ ژر تر ژره د داعش ډلې مشران کابل ته وسپارئ
وروسته له دې چې له افغانستان سره د ډیورند کرښې په اوږدو کې لسګونو پاکستاني پوځیانو ته مرګ ژوبله واوښته او ګڼې پوستې یې ویجاړې شوې، دغه هیواد له خپل ګاونډي افغانستان سره د خبرو او ډيپلوماسۍ غوښتنه وکړه.
د انادلو خبري اژانس د راپور له مخې، د پاکستان د بهرنیو چارو وزارت د یکشنبې په ورځ په یوه اعلامیه کې وویل:
«پاکستان د خبرو، ډيپلوماسۍ او له افغانستان سره د متقابلو ګټو پر بنسټ اړیکو ته لوړ ارزښت ورکوي.»
په اعلامیه کې زیاته شوې چې د ترهګرۍ پر ضد مبارزه «یو ګډ هدف» دی.
په عین حال کې، وزارت ویلي چې پاکستان وضعیت له نژدې څاري او د خپلې خاورې او خلکو د خوندیتوب لپاره به هر ممکن اقدام ترسره کړي.
دا څرګندونې له هغې وروسته شوې چې د شنبې په ورځ د دواړو هېوادونو ترمنځ له ۲۰۲۱ کال راوروسته، چې طالبان بیا په افغانستان کې واک ته رسېدلی، تر ټولو خونړۍ نښتې وشوې.
د افغانستان حکومت منلې چې په دې نښتو کې یې ۹ سرتېري وژل شوي، خو ادعا یې کړې چې پاکستان ۵۸ پوځیان له لاسه ورکړي دي.
له بلې خوا پاکستان ویلي چې د افغان طالبانو او د «هند له ملاتړه برخمنو فتنهالخوارج» (چې د تحریک طالبان پاکستان یا TTP لپاره کارول کېږي) له لوري په «بېدلیله برید» کې ۲۳ سرتېري وژل شوي او ۲۹ نور ټپیان دي.
پاکستان ادعا کړې چې د طالبانو او اړوندو ډلو تر دوو سوو (۲۰۰) څخه زیات جنګیالي یې «له منځه وړي» دي.
د کابل چارواکو ویلي چې د سعودي عربستان او قطر له منځګړیتوب وروسته یې د پاکستان پر سرحدي پوستو بریدونه درولي دي.
د افغانستان د طالبانو حکومت وړمه شپه ۱۲ بجې د سعودي او قطر په غوښتنه خپلو ځواکونو ته امر وکړ چې جګړه ودروي.
د پاکستان د باندنیو چارو وزارت له اعلامیې د دغه هیواد نرمښت له ورایه ښکاري او داسي تمه کېدای شی چې دا هیواد به د یکشنبې د شپې د جګړو تجربې ته په کتو بیا پر افغانستان په ډاډه زړه بمبارۍ او برید ته زړه ښه نه کړي.
