په پاکستان کې امنيتي حال د اندېښنې تر حده رسېدلی او هره ورځ په کې بریدونه کېږي
د پاکستان بلوچستان په دوو سیمو کې د ټاکنیزو دفترونو مخې ته دوو جلا چاودنو کې لږ تر لږه ۲۴ کسان وژل شوي او لسګونه نور ټپیان دي.
لومړۍ پېښه کې د بلوچستان پشین، خانوزی سیمه کې د یوه انتخابي کاندید دفتر مخې ته چاودنه کې لږ تر لږ ۱۴ کسان وژل شوي دي.
د پشین له چاودنې لږ وروسته د بلوچستان په یوه بله سیمه قلعه سیف الله (سیف الله کلا) سیمه کې د جمعیت علما اسلام (ف) ګوند د ټاکنیز دفتر مخې ته یوه چاودنه کې ۱۰ کسان وژل شوي او اته نور ټپیان شوي دي.
د شوي پېښې مرګ ژوبله
راپورونه وايي چې تر اوسه ددې پېښو یا چاودنو څرنګوالی معلوم نه دی.
د خانوزی سیمې عامې روغتیا مسوول ډاکتر حبیب له بي بي سي سره خبرو کې تائید کړه، چې ځايي روغتون ته ۱۴ مړي او ۳۰ ټپیان وروړل شوي دي.
نور ولولئ: په پاکستان کې د وسلهوالو بریدونو ډېرېدل؛ اسلام اباد له طالبانو غوښتي چې ترهګر وځپي
نور ولولئ: پر پاکستاني پوځ برید کې پوځ ته مرګ ژوبله اوښتي ده
نور ولولئ: پاکستان کې ناامني؛ ډیره اسماعیل خان کې چاودنې ۲۷ کسانو ته مرګ ژوبله اوړلې
د بلوچستان اطلاعاتو وزیر جان اڅکزي په یوه اېکس پیغام کې د قلعه سیف الله سیمې پېښه کې د ۱۰ کسانو وژل کېدل تائید کړي دي.
نوموړي له ځايي رسنۍ (جیو) سره خبرو کې ویلي، د جمعیت علما اسلام (ف) ګوند یوه مشر مولانا عبدالواسع ته په دې چاودنه کې زیان نه دی رسېدلی.
پر کمپاین کوونکو بریدونه
د رویټرز خبري اژانس په رپوټ کې د پشین مرستیال کمشنر جمعه داد خان له قوله ویل شوي، چې لومړۍ پېښه نن چارشنبه ګهیځ مهال په نوکنډي سیمه کې رامنځته شوې ده.
بلوچستان کې د لېویز په نامه ملېشه ځواک یو مسوول کس بیا وايي، چاودنه د بلوچستان صوبايي اسامبلۍ ته له پشين سیمې د ازاد کاندید اسفندیار کاکړ د ټاکنیز دفتر مخې ته شوې.
د بلوچستان په مچ سیمه کې پر پاکستاني زندان او پوستو برید شوی
دغه مسوول کس وايي، د چاودنې پر مهال ګڼ شمېر کسان د دفتر مخې ته راټول شوي وو.
د یادونې ده چې پاکستان کې ټاکنیز کمپاین تېره ورځ پای ته ورسېد او سبا به په دې هېواد کې د رایې ورکولو بهیر پیل شي. په دې ټاکنو کې د پاکستان له ۲۴۱ میلیون وګړو څخه ۱۲۸ میلیونه کسان د رایې ورکولو په شرایطو برابر دي.
د یادونې وړ ده چې په پاکستان کې ناامني پراخه شوې او هره ورځ پر امنیتي ځواکونو بریدونه کېږي چې ګڼه مرګ ژوبله اړوي.
