مسکو منلې چې اوکراین ورباندې د بې پیلوټه الوتکو بریدونه کړي دي
د روسیې ځینې چارواکي وايي چې اوکراین یې پر یوه ښار د بې پیلوټه الوتکو بریدونه کړي چې له امله یې د تېلو یوې ذخیرې هم اور اخیستی دی.
د ریاژان سیمه له مسکوه نژدې ۱۸۰ کیلومتره لرې پرته ده. د دې سیمې والي پاول مالکوف وايي، د روسنفت د تېلو په تصفیه خانه کې د بې پیلوټه الوتکې تر برید وروسته اور ولګېد.
د روسیې پر یو شمېر سیمو بریدونه
د روسیې دفاع وزارت وایي، نن سهار وختي د اوکراین بې پیلوټه الوتکو د روسیې پر یو شمېر سیمو بریدونه کړي دي.
د روسیې د دفاع وزارت په وینا، د روسیې په شپږو سیمو کې ۶۵ اوکرایني ډرون الوتکې د دوی ځواکونو نسکورې کړي دي.
د دې وزارت له ادعا سره سم، ۳۵ اوکرایني بې پیلوټه الوتکې په فورونیژ، ۲۵په بیلګورود، ۸ په بریانسک او کورسک کې، یوه په لننګراد او یوه هم د ریاژان په سیمه کې نسکوره شوې ده.
نور ولولئ: ولادیمیر پوتین منځني ختیځ ته په تاریخي سفر لاړ
نور ولولئ: په نړیوال سیاست کې د متحده عربي اماراتو رول؛ پوتین اماراتو او سعودي عربستان ته سفر کوي
نور ولولئ: د ترکیې ولسمشر ولې له پوتین سره کتلي؟
د ریاژان سیمه له مسکوه نژدې ۱۸۰ کیلومتره لرې پرته ده، د دې سیمې والي پاول مالکوف وویل، د روسنفت د تېلو په تصفیه خانه کې د بې پیلوټه الوتکې تر برید وروسته اور ولګېد.
اضافي جزیات نه دي ورکړل شوي
مالکوف په ټیلګرام کې لیکلي چې د لومړنیو اطلاعاتو له مخې مرګ ژوبله هم اوښتې، خو ده نور جزییات نه دي ورکړي.
د ځینو راپورونو له مخې د روسنفت د تېلو پر مرکز درې ډرون الوتکو حمله کړې چې دوه تنه یې ټپيان کړي دي.
د روسیې او اوکراین جګړه؛ روسیه کې پر یوه هوايي ډګر د ډرون بریدونه
په بیلګورود کې والي ویاچیسلاف ګلادکوف وایي، پر یوه اپارتمان هم برید شوی، خو څوک نه دي ټپيان شوي.
د روسیې د تاس اژانس د راپور له مخې په بیلګورود کې د روسیې د فدرالي امنیتي څانګې ودانۍ هم ډرون الوتکو ویشتلې چې د ودانۍ مخکنۍ برخه څه زیانمنه شوې او هندارې یې ماتې شوې دي.
د “ایسبیو” په نوم د اوکراین د امنیت څانګې یوې سرچینې رویټرز اژانس ته ویلي چې د اوکراین بې پیلوټه الوتکو د روسیې د تېلو درې تصفیه خانې په ریاژن، کستوفو او کیریشي کې په نښه کړي دي.
همدې سرچینې دا خبره هم کړې چې ډرون الوتکو د روسیې په بوتور لینوکا کې یو هوايي ډګر او په فورونیژ سیمه کې یو پوځي هوایي ډګر هم په نښه کړي دي.
د یادونې وړ ده چې د روسیې او اوکراین جګړه په ۲۰۲۲ کال کې پیل شوې او ترننه دوام لري.
