اړوند خبرونه:
د طالبانو اعلامیه: د هند او پاکستان تر منځ زیاتېدونکی کړکېچ د اندېښنې وړ دی
پاکستان له اوربند سرغړونه کړې او پر پکتیکا یې بریدونه کړي
هند پر پاکستان د «سندور» عملیات پیل او ۹ سیمې یې په نښه کړي
مجاهد اسلام اباد ته؛ ژر تر ژره د داعش ډلې مشران کابل ته وسپارئ
د خېبرپښتونخوا په سوېلي وزیرستان کې د پاکستاني پوځ پر یوه کاروان د وسلوال په برید کې ۱۰ پاکستاني پوځیان وژل شوي دي.
د العربیه د راپور له مخې، وسلوالو بریدګرو د پوځ پر کاروان د تېرېدو پرمهال ډزې وکړې او وروسته یې د درنو وسلو په وسیله پوځیان په نښه کړل.
په دغه برید کې اووه نور پاکستاني پوځيان سخت ټپيان شوي هم دي.
بل لورته د پاکستان د دفاع وزیر خواجه اصف ویلي چې هېواد یې له «تحریک طالبان پاکستان» ډلې سره د مذاکراتو هېڅ نیت نهلري.
نوموړي ټینګار کړی چې اوسنی تماس یوازې د افغانستان له طالبانو سره محدود دی.
هغه زیاته کړه چې د دواړو هېوادونو ترمنځ د دوشنبې پر ورځ د یوه مشروط اوربند هوکړه شوې چې له مخې یې افغان لوري ته دا مسوولیت سپارل شوی چې له خپلې خاورې د پاکستان پر ضد د وسلوالو بریدونو مخه ونیسي.
د راپورونو له مخې، دا هوکړه د قطر په پلازمېنه دوحه کې د پاکستان، طالبانو، ترکیې او قطر د استازیو ترمنځ د څو ورځنیو خبرو وروسته لاسلیک شوې ده.
