پر ښځو د طالبانو له محدودیتونو سره سره بیا هم ښځې غلي نه کیني او فعالیت ته دوام ورکوي
په هرات ولایت کې داسې رستورانت چې خاص ښځې د ډوډۍ، چای، قهوه او نورو خوراکونو لپاره ورځي. ددې رستورانت رییسه او کارکوونکې هم ټول ښځینه دي.
دغه د «صبح بهار» په نوم دی.
د رستورانت مسوولې ملالۍ فروتن ویلي، چې په دغه رستورانت کې یو شمېر ښځو ته د کار زمینه هم برابره شوې ده.
فروتن زیاتوي، چې دا رستورانت له شاوخوا ۷ میاشتو راهیسې جوړ شوی او له ښه عاید سره یې کار دوام لري.
په رستورانت سیمه ییز خواړه
هغه د دغه رستورانت تفاوت دا ګڼي، چې سیمه ییز خواړه د ښځو لخوا پکې، ښځو ته چمتو کیږي او ښځې له کومې اندېښنې پرته په ډاډه زړه ورته تګ راتګ کولی شي.
یو شمېر خلکو د داسې هڅو هرکلی کړی، خو ځینو نورو ویلي چې ولې باید له ښځو نورو رستورانتونو او ځایونو ته د تلو حق واخیستل شي؟
نور ولولئ: ایا تاسو انلاین درملنې ته اړتیا لری؟
نور ولولئ: افغانان هر کال پر درملو یو میلیارډ ډالر مصرفوي
نور ولولئ: د میلاټونین زیات استعمال او د هغه زیانونه
د طالبانو له بیا واکمنیدو سره، له افغان ښځو د نورو زیاتو حقونو تر څنګ پارک او هوټل ته د تلو حقونه هم اخیستل شوي.
د طالبانو افراطي چلند
د دې ترڅنګ، باور دا دی چې د طالبانو زیات افراطي چلند له پښتنو سیمو سره دی او په غیر پښتني سیمو کې څه د خلکو د وېښتیا او اعتراض او څه هم د ځایي طالب چارواکو د نرمۍ له امله پر ښځو د پښتنو سیمو هومره زیات فشار نه دی اچول شوی.
یوازې دا نه چې طالبانو ښځې له پارکونو او مېله ځایونو راګرځولي بلکې د دوی پر وړاندې یې د سینګارتونو دروازې هم وتړلې چې په زرګونو ښځې په کې مصروفې وې او له همدې کاروباره یې کورنۍ ساتلې.
د طالبانو رژیم د ښځو پر وړاندې ځپونکي تګلاره غوره کړي. پر دوی یې د ښوونځیو او پوهنتونو دروازې تړلي دي. دوی یې دومره محدودې کړي چې حتی په ښځو کې د رواني ناروغیو راپورونه خپاره شول، خو له دې ټولو سره، سره طالبان او د دوی امربالمعروف وزارت پر دوی محدودیتونه لګوي.
طالبان د ښځو د ژوند ښه کېدو لپاره هېڅ بدیلې لارې په نظر کې نه نیسي. په افغانستان کې زیاتې داسې کورنۍ شته چې سرپرستانې یې ښځې دي او دوی به د بېلابېلو کاروبارونو او دولتي وظیفو له لارې دغه کورنۍ ساتلې. اوس داسې ویل کېږي چې د طالبانو د محدودیتونو له امله یې سوال کولو ته مجبور شوي دي.
