د افغانستان اسلامي امارت د عامې روغتیا وزارت اعلان کړی چې په راتلونکي کال کې به په ټول هیواد کې دوه سوه کلینیکونه جوړ کړي
د عامې روغتیا وزیر قلندر عباد له آریانا نیوز سره په ځانګړې مرکه کې وویل، وزارت یې هڅه کوي چې د افغانستان روغتیايي سیستم معیاري کړي څو روغتیايي ظرفیت یې له نړیوالو معیارونو سره برابر وي
نور یی ولوله | امیري په دوحه کې د افغان ښځو د کارموندنې او تعلیم په اړه خبرې وکړې
نور یی ولوله | څنګه په ځوانۍ کې بریالي شو
عباد وويل، وزارت يې په هېواد کې د روغتيايي کارکوونکو د ظرفيت لوړولو لپاره لنډ مهاله او اوږدمهاله پلانونه لري، څو د ډاکټرانو او روغتيايي کارکوونکو ظرفيت له نړيوالو معيارونو سره برابر شي
عباد وويل: نه يوازې موږ پخواني روغتونونه او کلينيکونه فعال ساتلي، بلکې روغتونونه مو لوړ کړي او د ولسواليو او کليو په کچه مو نوي روغتونونه هم جوړ کړي دي
هغه ویلي دي چې د زیږون پر مهال د میندو د مړینې کچه د تیر کال په پرتله د پام وړ کمه شوې ده
هغه زیاته کړه: د میندو د مړینې کچه خورا ټیټه شوې ده ځکه چې خدمتونه معیاري شوي دي
ما دا څو څو ځله ویلي چې د امیندوارو میرمنو لپاره باید یوه څانګه جوړه شي ترڅو دوی او د دوی ماشومان خوندي شي
هغه همدا راز ټینګار وکړ چې په هېواد کې د پولیو د ویروس پېښې صفر ته رسېدلې دي ځکه چې په ۲۰۲۲ کال کې په ټول افغانستان کې د پولیو یوازې یوه مثبته پېښه ثبت شوې ده
د عامې روغتیا وزیر د روغتیا په برخه کې شته ستونزې مني او وایي، چې اوس هم په روغتیايي سیستم کې شته ستونزې د غوره روغتیايي خدمتونو د وړاندې کولو مخه نیسي
د هغه په وينا، وزارت هڅه کوي، چې د دغو کړۍ په پېژندلو سره روغتيايي سيستم د دغه ډول کسانو له وجود څخه پاک کړي
