دلته په ۲۰۲۴ کې د انلاین پیسو ګټلو په تړاو تاسو ته ګټور معلومات وړاندې کوو
نننۍ ټکنالوژیکه نړۍ دې ته اړتیا نه لري چې تاسو چېرته سي وي ولېږئ او د دندې پیدا کولو لپاره د ادارو دروازې وټکوی بلکې تاسو خپلې وړتیاوې باید له اوسنیو شرایطو سره برابرې کړئ چې ډېر وخت هم نه غواړي او بیا په اسانۍ له کور، دفتر او مېله ځایونو څخه انلاین دندې ترسره او پیسې پیدا کړی.
څه ډول انلاین پیسې پیدا کړو؟ په دې باب غواړو چې تاسو ته لنډ معلومات او دید درکړو تر څو وکولی شئ چې په اسانۍ سره انلاین دندې پیدا او د هغه پر ترسره کولو پیسې پیدا کړئ.
له دندې لټون مخکې باید څه وکړئ؟
تاسو چې کله انلاین دندو پسې لټون کوی نو لومړی باید لاندې ټکي په پام کې ونیسئ:
لومړی باید پر خپله وړتیا غور وکړئ او دا معلومه کړئ چې تاسو په کومه برخه کې د کار کولو وړتیا لری او له هغه وروسته بیا په هماغه برخه کې د انلاین دندې لټون پیل کړی. مثلاً تاسو په ډیټا اینټري کې ښه یاست؟ بازار موندنه کې وړتیا لرئ او یا که په انګلیسي ژبه کې ښه لیکوال یاست او داسې نور.
نور ولولئ: د مدیریت پېژندنه، د هغې مهارتونه او دندې
نور ولولئ: د خپلو پیسو مدیریت زده کړئ
نور ولولئ: د لګښتونو مدیریت څومره اړین دی
دویم: کله چې تاسو خپله وړتیا وموندله، نو ددې وړتیا د لوړاوي لپاره لږ نور زحمت هم وګالئ او تخصص په کې زیات کړئ تر څو د کار پر مهال له ستونزو سره مخامخ نه شئ.
تاسو څه ته اړتیا لرئ؟
تاسو یوه لپټاپ کمپیوټر یا ایپاډ او تېز انټرنیټ ته اړتیا لرئ. تاسو باید داسې ځای وی چې هلته انټرنیټ ښه کار وکړي. دویم تاسو کولی شئ د اپوورک په څېر ویب سایټونو کې د ندې لټون وکړئ او د خپلې خوښې دنده ترسره او هره ورځ تر سلو ډالرو پورې عواید ولرئ.
یواز اپوورک نه بلکې کله چې تاسو لټون وکړئ نو نور ډېر ویبسایټونه به هم پیدا کړئ او ددې تر څنګ نور زیات اپلېکشنونه دي چې تاسو ورباندې پیسې ګټلی شئ.
په نننۍ نړۍ کې تاسو کولی شی چې په ډېر لږ زحمت ګاللو سره ډېرې پیسې تر لاسه او وخت مو لږ مصرف کړی. دا ویب سایټونه تاسو ته ساعتواره دندې هم لري. په ورځ کې چې تاسو هر څو ساعته کار کوی، همدومره ډېرې به پیسې تر لاسه کوی.
دا هغه کار دی چې کولی شي تاسو د شتمنۍ څښتنان کړي.
