چین کې هغه نجونې چې والیبال یې کاوه، د ښوونځي د چت ړنګېدو کې وژل شوي دي
چینايي حکومتي رسنیو ویلي، لږ تر لږه ۱۱ تنه وروسته تر هغه ووژل شول، چې د یوه ښوونځي د سالون چت د نجونو د والیبال لوبې پرمهال ولوېد.
عیني شاهدانو رسنیو ته ویلي، ډېری قربانیان ماشومان دي، خو تر اوسه دا خبره په رسمي توګه تایید شوې نه ده.
وارخطا شویو والدین د پېښې ځای ته نژدې په روغتون کې د خپلو ماشومانو د روغتیايي وضعیت لپاره شېبې شمارلې.
سالون کې بند پاتې کسان هم شته
سیمه ییزو چارواکو ویلي، د پېښې پرمهال په دې ورزشي سالون کې ۱۹ تنه بند پاتې وو چې یوازې اته کسان ترې ژوندي پاتې شوي دي.
لومړنیو څېړنو ښودلې چې د چت په جوړولو کې د اورشیندې ډبې په څېر مواد له ښیښه يي توکو سره یوځای شوي وو چې تر ډېره د باران د اوبو راغونډېدو له کبله د چت د لوېدو لامل شوي.
نور ولولئ: ترکیه او سوریه یو ځل بیا د ۶.۳ درجې زلزلې ولړزوله
پولیسو ویلي، دا ودانۍ د چین صنعتي هیلونګ جیانګ ښار په چیچیها سیمه کې دی. چارواکو ویلي، د سالون د ننه څلور تنه د چت له کنډوالو په راوتلو توانېدلي. له کنډوالو ۱۵ رایستل شویو کسانو یوازې څلور یې ژوندي پاتې شوي.
د ودانیو ټیټ معیار
په چین کې د دغو ډولو پېښو اصلي لامل د ودانیو جوړولو اصولو کې د خوندیتوب ټیټ معیار په ګوته شوی.
دا پېښه په سیمه ییز وخت د یکشنبې په ورځ له ماسپښین وروسته درې بجې شوې او د ژغورنې عملیات د دوشنبې ورځې تر ګهیځ روان وو.
په چین کې د دغو ډولو پېښو اصلي لامل د ودانیو جوړولو اصولو کې د خوندیتوب ټیټ معیار په ګوته شوی.
په تېره جون میاشت کې د چین شمال لوېدیځ کې یوه رسټورانټ کې چاودنې لږ تر لږه ۳۱ تنه ووژل.
په لومړنیو څېړنو کې روښانه شوه چې د رسټورانټ یوه کارمن د اوبلن ګازو د یوې لیک شوې ډبې د شیر بدلولو په حال کې وو چې چاودنه وشوه.
په تېره اپرېل میاشت کې، هم د بیجینګ روغتون کې د اورلګېدو پېښې ۲۹ تنه ووژل او یو شمېر ژوندیو پاتې شویو کسانو د روغتون د ودانۍ له کړکیو د ځان ژغورنې په پار ځانونه راوغورځول.
ددې تر څنګ د چین حکومت هڅه کوي تر څو هغه سالونونه معیاري کړي چې د خلکو ګڼه ګوڼه په کې زیاته وي.
