اپل شرکت په چین کې پېرېدونکو ته کمساری تحفیف اعلان کړی دی

په چین کې پېرودونکو ته د ایفونونو اخیستو کې کمساری تخفیف ورکول کېږي ځکه اپل د مخ په ډېرېدونکو نورو ځایي سیالانو سره مخامخ دی.

دغه څلور ورځنی تخفیف، چې د شنبې پر ورځ (د جنورۍ څلورمه) پیلېږي، د امریکا ستر شرکت اپل له خوا په هر ګرځنده ټیلیفون کې ۵۰۰ یوانه تخفیف اعلان کړی دی.

وروستي ماډلونه او د هغوی بیې

چینایي ټیلیفون جوړونکي شرکت هوواوې هم د خپلو وروستیو موډلونو ګرځنده ټیلیفونونو بیې تر شل سلنې ښکته کړې دي.

دا تخفیفونه په داسې حال کې اعلان شوي، چې په چین کې مشتریان د دغه هېواد د اقتصادي ننګونو له امله په لګښتونو کې زړه نا زړه دي. د اپل په وړاندیز کې غوره ماډلونه او زاړه ګرځنده ټیلیفونونه او ځینې نور وسایل شامل دي.

نور ولولئ: ایفون 16 به نن بازار ته وړاندې شي؛ په اړه یې څومره پوهېږی؟

نور ولولئ: د چین او اپل کمپنۍ اختلافات او د ایفون بازار رالوېدل

نور ولولئ: اپل کمپني د ایفون 17 ډیزاین د اوږدې مودې اپ کرېډ ژمنه وکړه

دې شرکت تېر کال هم د چین نوي کال پر مهال ورته اعلان کړی و. سږکال، د چینايي نوي کال رخصتۍ د جنورۍ په پای کې پیلېږي.

په دې برخه کې د تګلارو بدلون

د بازار حالاتو ارزونې چینايي نړیوال شرکت (ای ډي سي) لوړ پوړي څېړونکي ویل وانګ په وینا د اپل تګلاره د چینایي مشتریانو د پېر په چلند کې د سمون لپاره بدله شوې. “که اپل د نرخونو دا تګلاره غوره نه کړي، ښايي له نورو سیالانو وروسته پاته شي.”

مشتریانو ته د اپل او هواوې دغه تخفیف د چین په لروبر کې حالاتو یوه وړه بېلګه ده.

د موټر جوړولو شرکتونو په ګډون پر انلاین کاروبارونه هم هڅه کوي چې په بیو کې د کموالي په وسیله مشتریان ورجذب کړي. د نړۍ دغه دویم لوی اقتصاد له ورو کېدو سره مخامخ دی او په همدې دلیل خلک ډېر مصرف ته زړه نه ښه کوي. د چین حکومت هم د خلکو له خوا د لګښتونو زیاتولو لپاره هڅې ګړندۍ کړي دي.

تېر کال، بېجينګ د سوداګرۍ په برخه کې يو پروګرام پيل کړی و، او خلک یې هڅول، چې زاړه محصولات لکه موټر او د کور سامانونه په نویو هغو بدل کړي.

هغه پلان دا نن ( جنورۍ څلورمه) بېرته راژوندی او پراخ کړ شو. له دې وروسته به خلک وکولی شي ګرځنده تلیفونونه، ټابلیټونه، ځیرک ساعتونه او فېټنېس بنډونه یا د فیزیکي فعالت لاسبندونه هم پر نویو بدل کړی شي.