اړوند خبرونه:
امیر عبداللهیان امیر خان متقي ته ویلي: د هلمند سیند اوبو کې حقابه مو جدي غوښتنه ده
یو ایرانی پلاوی د هلمند د اوبو په تړاو خبرو لپاره کابل راځي
له ایران سره د خبرواترو د پیل په درشل کې، د امریکا ولسمشر ډونالډ ټرمپ ویلي، که اړتیا وي، دوی به د اسراییلو سره په همغږۍ کې د ایران پر وړاندې پوځي اقدام وکړي. هغه دا هم زیاته کړه چې اسراییل به په دې احتمالي اقدام کې مخکښ وي.
ټرمپ پرون (چهارشنبه، د اپرېل۹مه) د سپینې ماڼۍ کې خبریالانو ته وویل: “که پوځي اقدام ته اړتیا وي، موږ به پوځي اقدام وکړو، او اسراییل به یقینا په دې کې لوی رول ولوبوي. خو دوی به د دې کار مشران وي.”
ټرمپ د ۲۰۲۵ کال د جنوري په میاشت کې یې د خپلې دوهمې دورې له پیل راهیسې د اټومي وسلو د ترلاسه کولو څخه د ایران د مخنیوي پر اړتیا ټینګار کړی، دا څرګندونې په داسې حال کې وکړې چې ټاکل شوې ده د اپرېل په ۱۲مه، د شنبې په ورځ په عمان کې له ایران سره د هېواد خبرېاترې پیل شي.
هغه مخکې دا خبرېاترې “مستقیمې” بللې وې، خو د ایران بهرنیو چارو وزیر عباس عراقچي په ګډون ایراني چارواکو، ټینګار کړی چې دا خبرېاترې به په غیر مستقیم ډول او د عمان په منځګړیتوب سره ترسره شي.
د امریکا ولسمشر خپلې وینا ته په دې وضاحت سره دوام ورکړ چې د دې خبرواترو اصلي هدف دا دی چې ایران قانع کړي چې د خپل اټومي وسلو پروګرام پریږدي. هغه خبرداری ورکړ چې که خبرېاترې ناکامې شي، “ایران به په لوی ګواښ کې وي” او پوځي انتخاب به په جدي توګه د میز پر سر وي.
