د امریکا نوي منتخب ولسشمر ویلي چې پوتین زما سره لیدو ته لېواله دی
اړوند مطالب:
جوبایډن او شیخ محمد؛ د دواړه هېوادونو تر منځ د همکاریو نوی باب پرانېستل شو
جوبایډن د اسراییل او حماس تر منځ د لنډمهاله اوربند د غځېدو هڅې کوي
د امریکا ټاکل شوی ولسمشر ډونالډ ټرمپ وايي، د روسیې ولسمشر ولادیمیر پوتین له ده سره د کتنې غوښتنه کړې ده.
د فرانسې د خبري آژانس د راپور له مخې، ټرمپ پنجشنبه د جنورۍ پر ۹مه، د جمهوري غوښتونکي ګوند له غړو سره په یوه غونډه کې وویل چې هغه د دې کتنې تنظیمولو په حال کې دی.
هغه څرګنده کړه: «هغه (پوتین) غواړي چې سره وګورو او موږ یې د تنظیمولو په حال کې یو.
د ټرمپ په وینا، د غونډې موخه په اوکراین کې د جګړې د پای ته رسولو هڅه ده.
روسیې تر اوسه په رسمي ډول په دې اړه څه نه دي ویلي.
پرون ټاس خبري اژانس د کرملین د ویاند دیمیتري پیسکوف په حواله راپور ورکړ چې که ټرمپ وغواړي چې د لوړې له مراسمو وروسته پوتین ته زنګ ووهي، نو د روسیې ولسمشر به د دې اړیکې هرکلی وکړي.
پیسکوف وویل چې پوتین په وار وار خبرو اترو ته خپل چمتووالی اعلان کړی دی.
