کابل کې د لسګونو ښځو لاریون کار، ډوډۍ او ازادي غوښتنی په موخه کړی افغان مرکز کابل کې لسګونو ښځو د پنجشنبې پر ورځ د يوه لاريون په ترڅ کې د ډوډۍ، کار، ازادۍ په شعارونو سره په ټولنيزو، اقتصادي او سياسي برخو کې د بشپړ ګډون غوښتنه کړی.
د دې ډلې له خوا خپرې شوې ويډيوګاېي ښایی چې مېرمنې د هغو کورنيو عکسونه لېږلی چي ويل کېږي د بېوزلۍ له امله د خپلو کوچنیانو پلورلو ته اړ شوې يوه لاريون کوونکې ویلی چې دوی ملايانو او ديني عالمانو ته درناوی لري خو خدای پاک د دوی لپاره د جوماتونو په منبر کې يو سپېڅلی ځای ټاکلی چې منبر ته ولاړ شي او وګړو ته لارښوونه وکړي. حکومتولۍ او اقتصاد سره تړلې مسلې، د اسعارو کنټرول او نړيوالو اړيکو برخه کې متخصصو وګړو ته اړ دی او همدغه چارو مسووليت بايد کارپوه وګړو ته وسپارل شي.
لاريون کوونکو مېرمنو د پاکستان د حکومت پر ضد هم شعارونه ورکول او هغه يې د افغانستان د بدبختۍ لامل وبالهيوې لاريون کوونکې ویلی نړيوالې ټولنې او ښځو ته غواړم او ویلی چې دا شونې نه ده چې طالبان دې افغان مېرمنې ومني. کېدی شي د دوی د حکومت سر کې يو څو وګړی د ښځو د منلو پلمه وکړي او په خپل نيمګړي حکومت کې لږه ونډه ورکړي خو د دوی لاس لاندې وګړی د خپلو مشرانو خبرې نه اوري طالبانو د دې اعتراض کونکو مېرمنو نیوکو او څرګندونو ته لا کوم غبرګون نه دی ښودلی.
نور یی ولوله | طالبانو ویلی د ډالرو له قاچاق کوونکي سره به د ملي خاين په ډول چلند کېږي
خو په تېر کې یې ټینګار کړی چې افغانستان کې ښځې د شریعت په چوکاټ کې له ټولو حقوقو برخمنې دي .
د پنجشنبې ورځې د لاریون کونکی ځینو ويډيوګانو کې چې له رسنيو سره شريکې شوې لاریون کوونکي وايي چې د طالبانو له اړخ پرې بريد شوی.
په دې کې د طالبانو يو غړي ښایی چې د دوی د تليفونونو د اخيستو او ماتولو ګواښ کوي په يوه بله ويډيو کې نور طالب عسکر دي چې يو يې د لاریون کوونکو ټليفون اخلي او لاريون کوونکې ترې غوښتنه کوي چې خپل ټليفون بېرته ورکړي خو هغه ځواب نه ورکوي
