د لسم پړاو اتصالات شپږیزه کرکټ لیګ په اته لوبه کې امو نهنګان لوبډله له مس عینک سره مخ ده. د مس عینک لوبډلمشر رحمنالله ګربز د خپلې لوبډلې سره یو ځای شو او نن به د امو نهنګانو پر وړاندې لوبه ترسره کړي.
امو نهنګان لوبډلې د لسم پړاو اتصالات شپږیزه کرکټ لیګ سیالیو د اتمې لوبې پچه وګټله او لومړی یې د مس عینک اتلانو پر وړاندې د توپوهنې پرېکړه وکړه.
د مس عینک لوبډلمشر رحمنالله ګربز د خپلې لوبډلې سره یو ځای شو او نن به د امو نهنګانو پر وړاندې لوبه ترسره کړي.
له ګربز سربېره صدیق اتل، محمد نبي، ابراهیم ځدران او یو شمېر نور لوبغاړي یې له لوبډلو سره یو ځای شوي دي.
د ځینو غیر رسمي سرچینو په حواله راشد خان به هم راتلونکو لوبو کې خپلې لوبډلې سره یو ځای شي.
د نن ورځې په اوومه لوبه کې د بند امیر ښاماران لوبډلې له خپل ۱۹۳ منډو څخه په دفاع وکړه او سپین غر پړانګان لوبډلې ته یې د ۱۲ منډو په توپیر ماتې ورکړه.
د دغې لوبډلې په ګټه صدیقالله اتل ۷۵، محمد شهزاد ۳۹ او لوبډلمشر حشمتالله شهیدي ۳۰ منډې جوړې کړې. له بلې خوا سپین غر پړانګانو په ګټه شمس الرحمن ۳ او فریدون داودزي یوه ویکټ ترلاسه کړه.
په دې توګه بند امیر ښاماران لوبدلې په روانو سیالیو کې خپله دویمه بریا خپله کړه.
