اړوند خبرونه:
د طالبانو مرستیال والي ځانمرګي برید کې ووژل شو
کندز کې د ځانمرګی برید مرګ ژوبلې
په کندوز ولایت کې د طالبانو امنیتي چارواکي وايي، د کابل بانک د ودانۍ مخې ته په شوې چاودنه کې ۵ کسان وژل شوي دي.
دا چاودنه ځانمرګی برید وو.
رویټرز خبري آژانس د یاد ولایت د طالبانو د امنیه قوماندانۍ ویاند جمعه الدین خاکسار وايي په وژل شویو کې د طالبانو وسله وال او ملکي وګړي شامل دي.
یو شمیر نورو رسنیو بیا د خاکسار له قوله لیکلي، چې په دې برید کې چې نن (سې شنبه، سلواغې ۲۳مه) سهار شاوخوا اته نیمې بجې شوی پنځه سرتیري او عام وګړي وژل شوي او ۷ نور ټپیان دي.
د خاکسار په وینا تر دې دمه په دې تړاو څوک نه دي نیول شوي خو په اړه یې پلټنې دوام لري.
د دې برید پړه تر اوسه کومې ډلې نه ده منلې.
دا بریدو وروسته له هغه کېږي، چې د ملګروملتونو امنیت شورا په یوه غونډه کې په افغانستان او سیمه کې د داعش ډلې د خراسان څانګې د ګواښونو په اړه بحث وکړ.
د رسنیو د راپورونو له مخې داعش ډلې په تېرو څه باندې درېیو کلونو کې، چې طالبانو د افغانستان واک ترلاسه کړی، د لیندۍ په ۲۱مه د طالبانو د حکومت د کډوالو او راستنېدونکو چارو د سرپرست وزیر خلیل الرحمن حقاني د وژنې په ګډون د ګڼو بریدونو پړه منلې ده.
