یوه نوې څېړنه ښيي چې اسپانیا کې زرګونه کلونه وړاندې خلکو مخدره توکي کارول
![KUDOS TL Main image 1200x675 1](https://afghannow.net/wp-content/uploads/2023/04/KUDOS-TL-Main-image-1200x675-1.jpg)
یوه نوې څېړنه په ډاګه کوي چې په اسپانیا کې خلکو له ننه نژدې ۳۰۰۰ کاله مخکې نشه لرونکي درمل کارول
ساینس پوهان وايي چې په مینورکا سیمه کې له یوې هدیرې موندل شوي ویښتان ښيي چې پخوانیو انسانانو دغسې دارو چې سخته نشه یې درلوده له ونو او بوټو ترلاسه کول.
دا په اروپا کې لومړنۍ داسې مستقیمې نښې نښانې بلل کېږي چې ښيي پخوانیو مدنیتونو کې د نشې لرونکو دارو او درملو دود شتون درلود.
څېړونکو ته مالومه شوې چې د دې مخدرو موادو له کارولو سره به انسانان په توهمي فکرونو کې ډوب او په هزیاني کیفیت به مبتلا کېدل.
د دې څېړنې موندنې چې په ساینس جورنال ساینټفیک کې خپرې شوې د مینورکا سمیې په ایس کارټکس نومي غار کې په دې تړاو د انسانانو فعالیتونه څرګندوي.
د دې غار په هکله ویل کېږي چې تر ۲۰۰ پورې انساني قبرونه پکې دي او له مېلاده ۸۰۰ کاله مخکې نژدې ۶۰۰ کالو پورې د هدیرې او مذهبي مراسمو د ځای په توګه کارول کېده.
څېړونکي همدارنګه وايي چې دوی باوري دي موندل شوې بېلګې چې ښايي د خورا سختې نشې لامل کېدې په همدې غار کې د مذهبي مراسمو د یوې برخې په توګه کارول کېدې.
د موندل شویو موادو بېلګو څېړنه ښيي چې په مذهبي مراسمو کې کارول کېدونکي دا توکي چې رنګ یې سور بخون اوښتی دی د ذهني کیفیت اوښتو د دریو ډولونو لامل کېده.
ساینسپوهانو د اتروپین او سکوپولامین تر څنګ چې انساني ذهن له توهمي فکرونو ډکوي، ایپیدراین هم موندلي چې د انرژۍ او بیدارۍ لامل کېږي
له دې مخکې په اروپا کې له تاریخ نه د وړاندې زمانې مخدره موادو د شتوالي غیر مستقیم ثبوتونه موندل شوي وو چې یوه بېلګه یې په هنري اثارو کې د مخدره موادو د بوټو انځورونه وو.
نور ولولئ: واشنګټن پوسټ: په افغانستان کې د نشه يي توکو کاروبار په ډېرېدو دی
د نشه يي توکو نه استفاده خورا لرغونی تاريخ لري خو دا لومړنی ځل دی چې ساینس پوهان د دغو توکو د کارولو مستقيم تاريخ ۳۰۰۰ کاله پخوانی ګڼي.
په ورته مهال کې په افغانستان کې هم په نشه يي توکو د روږدو کسانو شمېر ورځ تر بلې په ډېرېدو دی. د چارو کارپوهان يې عمده لامل په افغانستان کې فقر، بېکاري او د سواد ټېټه کچه بيانوي.