د انګلستان کرکټ لوبډلې پخواني لوبډلمشر مایکل اتیرتن په یوه کالم کې له جو روټ څخه د انګلستان د لوبډلې د لوبډلمشرۍ د استعفا غوښتنه کړې ده.
پخواني لوبډلمشر ادعا وکړه چې د جو روټ دریځ د زغم وړ نه دی. د ویلو ده چې د جو روټ په مشرۍ انګلستان کرکټ ملي لوبډلې پرلپسې څلور لوبلړۍ بایللي او په تیرو نهو ټیسټ لوبو کې یې یوه هم نه ده ګټلې.
د برتانوي رسنیو د راپور له مخې، له ویسټ انډيز څخه چې انګلستان لوبډلې په څه ډول ماتې وخوړه او لوبلړۍ یې وبایلله، دې د جو روټ مشکلات نور هم زيات کړل.
نور یی ولوله | طالبانو کندهار کې څو سیمه ایزې رسنۍ تړلې او یو شمېر کارکوونکي یې نیولي
د پخواني لوبغاړي او مبصر مایکل اتیرتن په وینا، جو روټ باید د اسټرالیا پر وړاندې د سیریز ۴-۰ له لاسه ورکولو وروسته له لوبډلمشرۍ استعفا کړې وای.
د اتیرټن په وینا، د ویسټ انډیز پر وړاندې له ماتې وروسته د لوبډلې راتلونکی له سخت خطر سره مخ دی، اوس د دې وخت دی چې جو روټ له دندې ګوښه شي او په لوبډله کې بدلون راولي، د جو روټ سفر نوی پای ته رسېدلی.
