د روسیې بمبار په سوریه کې مرګ ژوبله اړولي
![A Russian army Sukhoi Su 25 jet takes part in a joint military exercise with the Belarussian army in Domanovo](https://afghannow.net/wp-content/uploads/2023/06/2cf2b40e-677f-11e5-a57f-21b88f7d973f-348x196.jpeg)
سوریه کې هغه مهال یوولس کسان ووژل شول چې روسي الوتکو ادلب ولایت کې بمباري وکړه
روسي الوتکو د سوریې شمال لوېدیځ ادلب ولایت پر ځینو ښارونو او کلیو د یکشنبې په ورځ بمبارۍ کړې دي. دا ولایت په هېواد کې د وسله والې ټلوالې وروستی مورچل ګڼل کېږي. په تازه بریدونو کې د ټلوالې جنګیالیو او ولسي وګړو ته مرګ ژوبله اوښتې ده. د روسیې په دې برید کې ۱۱ تنه وژل شوي او ۳۴ نور ټپیان دي.
د بشري حقونو د څار ډلې غبرګون
د سوریې د بشر حقونو د څار ډلې چې بریتانیا کې یې دفتر دی، ویلي په تازه بریدونو کې تر اوسه د ۱۱ تنو د وژل کېدو او نژدې ۳۰ نورو ټپیانېدو خبرونه تایید شوي دي.
دغې ډلې ویلي د ټلوالې تر واک لاندې په جسر الشغور ښار کې پر یوه بازار برید شوی چې د درو حکومت ضد مخالفو وسله والو په ګډون نهه تنه پکې وژل شوي.
د الوتکو ډول؛ جیټ دي او که بېپیلوټه؟
ډېری باور داسې کېږي چې بمبار کوونکي الوتکې بېپيلوټه وې، خو لا په سمه توګه تشخیص شوې نه دي.
جنګي الوتکو چې ډېر ګومان کېږي روس جوړې سوخوی ډوله الوتکې دي، په جسر الشغور کې د سبزیو پر مارکېټ چې د اختر لپاره د پېر و پلور د ګڼې ګوڼې ډک ځای و، بمبار کړی دی.
عیني شاهدانو او ژغورندویانو ویلي، جنګي الوتکو د ادلب ښار لوېدیځ او څنډه جبل الزاویه سیمه کې پر ځینو کلیو بمباري کړې ده. دا هغه ګوښې سیمه ده چې د رویټرز خبري اژانس په وینا په تېرو پنځو کلونو کې روسانو او ترکانو هم پکې خونړۍ جګړې کړې دي.
نور ولولئ: واشنګټن وايي دمشق له عربي ټولنې سره د بېرته یوځای کېدو وړتیا نه لري
تر اوسه روسیې او د سوریې پوځ کې ملګرو یې ددغو ادعاوو په اړه غبرګون نه دی ښودلی.
وړاندې مسکو او دمشق ویلي وو چې د دوی د بریدونو هدف وسله والې ډلې دي او پر ولسي وګړو یې بریدونه رد کړي وو.
د سوریې شمال دې ښکار کې چې له ترکیې سره ګډه پوله لري او حکومت مخالفان پرې واکمن دي او ګڼه ګوڼه پکې ډېره وي، تر څلور میلیون ډېر وګړي اوسېږي.
دا په داسې حال کې ده چې څو کاله وړاندې روسیې په سوریه کې د داعش د نفوذ پیدا کولو سره سم نظامي مداخله وکړه. د روسیې دفاع وزارت به د هوایي ځواک پر مټ د داعش سیمې بمبارولې، د سوریې امنیتي ځواکونو او ایران هغه ډلې چې د داعش پر ضد یې رامنځته کړې وې، پر داعش به یې ځمکني عملیات کول.