څېړنه وايي چې د میلاټونین زیات استعمال د انسان د بدن لپاره ځینې زیانونه لري چې باید پام ورته وشي
د میلاټونین یو اغېز دادی چې د استعمالوونکي لپاره د سر درد پیدا کوي. دا سمه ده چې خوب به ډېر وکړي، خو کله چې هغه خوب دغه کس ته ارام نه ورکوي او نا راحته وي، نو دا په خپله د یاد درمل سایډ ایفیکټ دی.
په دې کې بله مهمه خبره داده چې کله له میلاټونین استفاده کېږي، نو هغه څوک باید له الکولو څښلو ډډه وکړي چې په دې مرض اخته اوسي. که چېرې دوی الکول څښل خوشي نه کړي، نو ستونزې او ناارامۍ یې نورې هم زیاتېږي.
د میلاټونین نور ډېر زیانونه دي چې د انسان بدن ګواښي او له مشکلو سره یې مخامخ کوي، خو دلته خبره داده چې لومړی باید د هغو لاملونو مخه ونیول شي چې د انسان په خوب کې خنډ او ځنډ رامنځته کوي چې پر دغو لاملونو به هم بحث وکړو.
کوم شیان دي چې د انسان خوب الوزوي؟
څېړنې تاییدوي چې د خوب پر وخت د اوږدې مودې لپاره د سمارټ فون سکرین ته کتل پر خوب ویجاړوونکی اغېز لري.
لامل یې د میلاټونین له امله دی، دا یو هورمون دی چې د ماغزو په صنوبري حجره کې رامنځ ته کېږي. میلاټونین په بدن کې د خوب او ویښې حالت پړاوونو تنظیمولو کې مهم رول لوبوي.
نور ولولئ: افغانان هر کال پر درملو یو میلیارډ ډالر مصرفوي
نور ولولئ: ایا تاسو انلاین درملنې ته اړتیا لری؟
دا ځینې وختونه د “تیاره هورمون” په توګه یادېږي ځکه چې کچه یې د ورځې په جریان کې کمېږي او د شپې لوړېږي.
هرڅومره چې د خوب په وخت کې د رڼا اندازه زیاته وي، لکه نیلي رڼا چې له برېښنایي وسایلو راوځي، د میلاټونین تولید کمزوری کېږي، چې پر خوب ناوړه اغېز کوي. له همدې امله، په هرو دریو امریکایانو کې یو بالغ هغه ۷ یا ۸ ساعته خوب نه کوي چې ډېری خلک ورته اړتیا لري.
دا درمل په امریکا کې زیات کارول کېږي
دا د حیرانتیا خبره نه ده چې میلیونونه خلک د میلاټونین تکمیلوونکو ته مخه کوي چې د بې خوبۍ او د شپې په شفټ کې کار کولو وروسته د خوب کولو ستونزې لرې کولو کې مرسته وکړي. که melatonin په انګریزي نسخه کې ورکول کېږي، دا په مستقیم ډول په متحده ایالاتو کې له درملتون پلورل کېږي. تاسو کولی شئ دا د تغذیې له تکمیلاتو او ویټامینونو سره په الماریو کې ومومئ.
ماشومانو ته په کم عمر کې ځینې وختونه د میلاټونین ګولۍ ورکول کېږي چې د شپې خوب کې مرسته ورسره وکړي.
خو په دې ډول د میلاټونین کارولو په باب د ډاکټرانو ترمنځ د ممکنه زیان په اړه اندېښنه موجوده ده.
