نن د افغانستان او ایرلنډ لوبډلو تر منځ ټېسټ لوبه پیلېږي
![cricket1](https://afghannow.net/wp-content/uploads/2024/02/Cricket1-6-780x470.jpg)
د افغانستان په وخت نن لس بجې د افغان کرکټ ملي لوبډلې او ایرلنډ ترمنځ ټېسټ لوبه پیلېږي
د افغانستان کرکټ بورډ خبر ورکړی چې د یادو لوبډلو ترمنځ دغه لوبه د ابوظبۍ په ټولېرنس لوبغالي کې کېږي.
هاخوا د افغان کرکټ ملي لوبډلې کپتان بیا وايي چې افغان لوبغاړي د اماراتو له لوبغالو سره بلد او ښې لوبې ورباندې کولی شي.
د افغانستان او ایرلنډ تر منځ له ټېسټ لوبې مخکې افغان لوبډلمشر حشمت الله شهیدي رسنیو ته ویلي، را روانې لوبې د دواړو لوبډلو لپاره یو امتحان دی خو د ده په ټکو افغانستان د ځینو دلایلو له کبله په سیالې لوبډلې “برلاسی” ښکاري.
همدې لوبغالي کې تمریناتي کمپونه
هغه د سې شنبې په ورځ په یوه خبري ناسته کې وویل، افغان لوبغاړي له ډېرو نورو ځایونو د دوبۍ په لوبغالو ښه بلد دي او لوبو ته یې ښه چمتوالی نیولی دی.
![cricket2](https://afghannow.net/wp-content/uploads/2024/02/Cricket2-4-300x170.jpg)
افغانستان له څه مودې راهیسې په همدې لوبغالي کې تمریناتي کمپونه کوي او په تېر کې یې د ځینو نورو لوبډلو کوربه توب هم همدلته کړی دی.
حشمت الله شهیدي وویل، تېرو لوبو ته په کتو په ایرلنډۍ لوبډله هم پياوړي دي.
نور ولولئ: افغان کرکټ ملي لوبډلې دویمه ۵۰اوریزه لوبه هم سري لنکا ته وبایلله
نور ولولئ: د افغان کرکټ ملي لوبډلې او سري لنکا تر منځ لوبو ته کتنه
نور ولولئ: افغان کرکټ ملي لوبډلې سري لنکا ته په دریمه ۲۰اوریزه لوبه کې ماته ورکړه
هغه زیاته کړه، “مونږ دواړو لوبډلو یو وخت د ټېسټ لوبو دریځ واخیست مونږ په تېرو اتو لوبو کې درې ګټلې خو ایرلنډ یوه هم نه ده ګټلې دې ټکي هم مونږ ته ډېر اعتماد راکړی دی.”
![cricket](https://afghannow.net/wp-content/uploads/2024/02/Cricket-8-300x170.jpg)
افغانستان او ایرلنډ تر اوسه یوه ټسټ لوبه کړي، په ۲۰۱۹م کال کې شوې هغه لوبه افغان لوبډلې په ښه توپیر ګټلې وه خو د چارشنبې ورځ پیلېدونکي دویمې ټېسټ لوبې ته دواړه لوبډلې لېواله دي.
په دوبۍ کې د افغان لوبډلې په ګټه شرایط
د افغانستان د ټېسټ او یو ورځنیو سیالیو لوبډلمشر حشمت الله شهیدي دغو ټولو ټکو ته په کتو تمه وښوده، چې دوبۍ کې شراېط د دوی په ګټه تمام شي.
افغانستان د ټېسټ درېځ اخیستو وروسته د ټېسټ لوبو مزل په ۲۰۱۸م کال کې له هند سره په تاریخي لوبه پیل کړ او له هغې راهیسې یې ۸ ټېسټ لوبې کړې چې وروستۍ هغه یې له سري لنکا سره وه. د ایرلنډ بیا دا اتمه ټېسټ لوبه ده، او ویلي یې دي چې په بې صبرۍ یوې ښې لوبې ته شیبې شمېري.
د یادونې وړ ده چې افغان کرکټ ملي لوبډلې له دې وړاندې هم له سري لنکا سره د نورو لوبو په ګډون ټېسټ لوبه هم وه چې افغان لوبډلې یې پر وړاندې ماتې وخوړه.