ابراهیم ځدراڼ وايي، هیله لري چې یو ځل بیا د لوبو میدان ته راوګرځي او د خپل هېواد لپاره ولوبېږي
ابراهیم ځدراڼ د افغانستان کرېکټ ملي لوبډلې نوموتی لوبغاړی دی چې په نړیواله کچه د افغانستان لپاره لوبېږي او د خپلو وړتیاوو پر اساس په نړیواله کچه شهرت لري.
ښاغلی ځدراڼ چې د تمریناتي لوبو پر مهال یې پښه ژوبله شوې، په روغتون کې بیستر او تر درملنې لاندې دی.
د افغانستان دکرکټ ملي لوبډلې پیلیز توپوهونکي ابراهیم ځدراڼ په خپله ایکس پاڼه لیکلي، چې لوبغالي ته را ګرځېدل یې لویه هیله ده.
هغه زیاته کړي: « زه نور څه نه غواړم پرته له دې چې میدان ته راوګرځم، د خپل ګران هېواد استازیتوب وکړم او داسې نندارې وړاندې کړم، چې تاسې ټول پرې وویاړئ.»
له ابراهیم ځدراڼ سره د مینه والو مینه
ابراهیم ځدراڼ له افغان مینه والو ته په اشاري ویلي، چې ستاسې مینه او ملاتړ زما لپاره د هرڅه معنا لري او په خبره یې دا هغه څه دي، چې ما د هرې ننګونې پر وړاندې هڅوي.
نوموړي وړاندې لیکلي: «زه به بېرته پیاوړی شم، ان شاء الله. تر هغه وخته، مهرباني وکړئ ما په خپلو دعاګانو کې وساتئ.»
نور ولولئ: راشد خان ولې له بېګباش سیالیو بهر کړی شو
نور ولولئ: د راشد خان نوی ریکارډ؛ په دریو توپونو یې درې لوبغاړي وسوځول
نور ولولئ: د لوبې پر مهال د راشد خان حرکات او د هغه راښکونکې ننداره
ابراهیم ځدراڼ له نیوزلنډ سره تر ټیسټ لوبې وړاندې په تمریناتو کې ژوبل شو او تازه یې تېر ماسپښین په انګلستان کې د ښنګرکي عملیات وکړ.
د افغانستان کرکټ بورډ ویلي؛ نوموړي ته له یوه فیزیوټراپېسټ سره د لس اوونیو د پاتې کېدو سپارښتنه شوې، چې پر ځانګړو حرکتونو پوره روغ شي.
د مجیب ځدراڼ د روغتیا په اړه
افغانستان کې هم د کرکټ په ځانګړي ډول د ابراهیم ځدراڼ مینه وال هیله لري، چې نوموړی به ژر روغ او ملي لوبډلې ته راستون شي. دوی د ابراهیم ترڅنګ له کرکټ بورډ نه غواړي چې د مجیب ځدراڼ په اړه هم تازه معلومات خپاره او له رغېدو وروسته یې بېرته ملي لوبډلې سره یوځای کړي.
ابراهیم ځدراڼ او مجیب ځدراڼ د افغانستان په کرېکټ کې نه تکرارېدونکي څېرې دي. مجیب ځدراڼ په یوه لوبه کې د پاکستان کرېکټ ټیم چې نړیوال قوي ټیم دی، د خپل غوره بالېنګ په زور یې د هغه ملا ماته کړه او له همدې امله د نړیوالو رسنیو سرټکی وګرځېده.
له دې وړاندې افغان کرېکټ ستوري راشد خان هم د ملا عملیات کړي وو او اوس د لوبډلې لپاره لوبېږي.
