د خپلواکو همګټو هېوادونو مشر وايي، د افغانستان شاوخوا د امنیتي کمربند د جوړېدو ملاتړ کوو
د خپلواکو همګټو هېوادونو سرمنشي وايي د دې تړون اجرايي کمېټه د افغانستان شاوخوا د امنیتي کمربند د جوړېدو لپاره د ټولیز امنیت تړون د وړاندیز ملاتړ کوي.
په دا مهال د ټولیز امنیت تړون سرمنشي وايي، په منځنۍ اسیا کې د ترهګرۍ د پراختیا خطر لا هم شته.
تاسماګامبتوف زیاتوي چې دغه تړون له افغانستان پېښ ګوښونه او ننګونې لا هم څاري او د مخنیوي لپاره یې خپلمنځي همکاري زیاتوي.
له افغانستانه امنیتي ویره
د طالبانو واکمنېدو سره د روسیې په مشرۍ د خپلواکو همګټو هېوادونو او د ټولیز امنیت تړونونه منځنۍ اسیا ته له افغانستان د وسلوالو د ور اوښتو وېره بیا بیا ښيي.
د دې وسلوالو د مخنیوي لپاره ټولیز امنیت تړون د افغانستان هېواد شاوخوا د امنیتي کمربند جوړېدو د پلان لپاره د کارډلې وړاندیز کړی دی.
د خپلواکو همګټو هېوادونو سرمنشي جنرال سرګي لبیدیف د دغه وړاندیز په تایید سره وايي، چې دوی د دغه پلان هرکلی کوي او تمه لري چې د دواړو تړونونو د اړوند څانګو استازي پکې برخه واخلي او په دې ډول د افغانستان شاوخوا امنیتي دېوال جوړېدو لپاره ټولیز پلان جوړ شي.
نور ولولئ: د امریکا او تاجکستان نوي پرېکړې ته د طالبانو غبرګون
نور ولولئ: بالاخره پاکستان په لومړي ځل د افغانستان له لارې تاجکستان ته کچالو انتقال کړل
د تاس خبري اژانس د رپوټ له مخې ښاغلي لبیدیف په مسکو کې د همګټو هېوادونو غونډې ته په خبرو کې وویل: موږ هیلمن یو چې د دې ډلې کار به د نړیوالو ترهګرو ډلو، د نشه يي توکو او وسلو قاچاق او بې قانونه مهاجرت په شنډولو کې مرسته وکړي.
د همګټو هېوادونو تر منځ شوی تړون
د افغانستان شاوخوا د امنیتي کمربند جوړېدو وړاندې د ۲۰۲۲ کال په جنورۍ کې د ټولیز امنیت تړون په غونډه کې وکړ.
د امام علي رحمان په دې وړاندیز پسې لږ وروسته د افغانستان په تړاو کارډله جوړه شوه چې د دې سازمان بهرنیو چارو وزیرانو ته ځواب وايي.
په دې ډله کې د دې تړون او خپلواکو همګټو هېوادونو سربېره د ملګرو ملتونو استازي افغان سفارت او نور لېواد درېمګړي هېوادونه هم برخه لري.
دغه هېوادونو بار، بار ویلي چې د منځنۍ اسیا هېوادونو د ناامنه کولو ویره لري، خو طالبانو بیا ویلي چې افغانستان کې داعش ځپل شوی او ددې توان نه لري چې د سیمې هېوادونه ناامنه کړي.
خو پر دې سربېره، داعش بیا هم په افغانستان کې بریدونه کوي.
