اړوند خبرونه:
د ای سي ای لخوا د طالبانو پرضد د پخوانیو افغان سیاستوالو د کارولو نوي هڅه
م.م. کې د امریکا سفیره وايي، امریکا طالبان په رسمیت نه پیژني
ذبیح الله مجاهد: پخواني سیاستوال د ای ایس ای په مرسته بیا واک ته نه شي راتللی
د تېرې یکشنبې په ورځ دوو نظامي الوتکو له دوحې پرواز وکړ او افغانستان ته یې الوتنې وکړې چې په دې ډول امریکا یو ځل بیا د بګرام ستراتيژیکې اډې کنټرول په لاس کې واخیست.
د امریکايي رسنیو د تازه راپورونو پر بنسټ، دغه سي ۱۷ (C-17) الوتکې د تېرې یکشنبې په ورځ د دوحې له العدید اډې الوتنه کړي وه چې د پاکستان له لارې افغانستان ته داخله او په بګرام هوايي اډه کې یې ناسته وکړه.
د سي ای اې د سرچینو پر اساس، په دې الوتکه کې د امریکا د استخباراتو لوړپوړي چارواکي په ګډون د امریکا استخباراتو مرستیال مشر مایکل ایلیس او ورسره نظامي تجهیزات موجود وو.
سي ای اې وايي، د امریکا ولسمشر ډونالډ ټرمپ هڅه وکړه چې د بګرام هوايي اډې کنټرول تر لاسه کړي چې بالاخره طالبانو دغه غوښتنه ومنله او دغه اډه یې پنټاګون ته وسپارله.
دا راپور داسې مهال خپرېږي چې د تېرې یکشنبې په ورځ د طالبانو ویاند ذبیح الله مجاهد په چټکۍ سره دا ادعا رد کړه او دا یې «تبلیغات» وبلل. هغه وویل چې طالبان د دې هوايي اډې بشپړ کنټرول په واک کې لري.
مجاهد زیاته کړه چې د اډې د بیا نیولو لپاره د امریکا هڅه «ناممکنه» ده او «په اوس وخت کې افغانستان ته د کوم هېواد د پوځي شتون اړتیا نشته او اسلامي امارت به داسې اقدام ته اجازه ورنه کړي.»
د یادونې وړ ده چې د طالبانو لخوا په ټولنیزو رسنیو کې هم د امریکا نظامي الوتکې د ناستې په اړه ویډیوګانې خپرې شوې او دغه عمل یې له اندېښنو ډک وباله.
