اړوند خبرونه:
عباس عراقچي: د افغان کډوالو د ستنېدو بهير به تدريجي وي
علیرضا بیګدلي: ایران کې افغان کډوال د دې هېواد په اقتصادي پرمختګ کې مهم رول لري
ملګري ملتونه: تېرو ۲ورځو کې نږدې ۹زره افغان کډوال له پاکستانه ایستل شوي
د کډوالو او راستنېدونکو چارو وزارت اعلان وکړ، چې نږدې پنځه سوه افغان کډوالې کورنۍ له ایران او پاکستان څخه هېواد ته راستنې شوې دي.
دغه وزارت نن (سهشنبه، د جون ۱۷مه) په یوه مطبوعاتي اعلامیه کې ویلي، ۴۹۷ افغان کورنۍ، چې ۵۵ کورنۍ یې د تورخم، ننګرهار له لارې، ۴۹ کورنۍ د سپین بولدک، کندهار له لارې، ۱۱۷ کورنۍ د نیمروز د ورېښمو له لارې، یوه کورنۍ د پکتیکا د انګور اډې له لارې او ۲۷۵ کورنۍ د هرات د اسلام کلا له لارې هېواد ته راستنې شوې دي.
د دغه وزارت له خوا په خپره شوې خبرپاڼه کې راغلي چې دغو کورنیو هېواد ته د راستنېدو سره سم د ا.ا له خوا مرسته ترلاسه کړه.
له هغه وخت راهیسې چې ا.ا په ۲۰۲۱ کال کې په افغانستان کې واک ته ورسېدل، له ګاونډیو هېوادونو، په ځانګړې توګه ایران او پاکستان څخه د افغان کډوالو د ایستلو پروسه ډېره شوې ده. ایراني او پاکستاني چارواکو اعلان کړی، چې د افغان کډوالو په ایستلو کې به په ځانګړي ډول هغه کسان شامل وي چې د استوګنې قانوني اسناد نلري. په ځینو مواردو کې، حتی هغه کډوال چې د اعتبار وړ اسناد لري له دې هېوادونو څخه ایستل شوي دي.
