په دې په زړه پورې راپور کې ولولئ چې څنګه هند کې افغانان ځوانان د خپل ښه چلند او خندا له لارې د میلیونونو خلکو پام ځانته ور واړاوه او د دوی د وچو مېوو کوچنی دوکان څنګه د کلکتې په مشهور مرکز بدل شو.
د هند د کلکتې په ګڼه ګوڼه ډک بازار کې، چېرته چې د زرګونو غږونو او رنګونو شور دی، د “افغان مارکېټ” په نوم یوه وړه کوڅه د یوې داسې کیسې شاهده ده چې نن سبا یې په ټول هند کې د خلکو زړونه ګټلي دي. دا کیسه د هغو افغان هلکانو ده چې له وطنه لرې د مسافرۍ شپې او ورځې تېروي، خو د خپل کلتور ځانګړی وقار او مېلمه پالنه یې د هند تر میلیونونو خلکو پورې ورسوله. که تاسې په دې ورځو کې خواله رسنۍ پرانیزئ، نو هند کې افغانان ځوانان به درته د خندا په حال کې په داسې یوې ویډیو کې ښکاره شي چې د ډېرو بخت یې بدل کړی دی.
هند کې افغانان ځوانان، هغه ویډیو چې بخت یې ویښ کړ
کیسه له هغه ځایه پیل شوه چې یوې هندۍ نجلۍ، چې په یوټیوب کې فعالیت کوي، پرېکړه وکړه چې د کلکتې د افغان مارکېټ د وچو مېوو له یوه عادي دوکانه ویډیو جوړه کړي. په دغه ویډیو کې هغه څه چې د لکونو خلکو پام یې ځانته ور واړاوه، یوازې د پسته او بادامو کیفیت نه و، بلکې د هغو ځوانانو صمیمي خندا او له پېرېدونکو سره د هغوی مینه ناک چلند و.
کله چې دغه یوټیوبره دوکان ته ورننوته، هند کې افغانان ځوانان په ډېر ادب او په خندانه څېرو ورته راوړاندې شول. دې صحنې په هند کې د ټولنیزو شبکو کاروونکي دومره اغېزمن کړل چې یوازې په څو ورځو کې دغه ویډیو په انسټاګرام، ټیک ټاک او یوټیوب کې میلیونونو کسانو ولیده.
هند کې افغانان ځوانان، د ښکلا او وقار ستاینه؛ هندیان څه وایي؟
د دغو ځوانانو ځانګړې قواره، لوړ قدونه او تر ټولو مهمه، د هغوی ښایسته چلند لامل شوی چې اوس هره ورځ په سلګونو هندیان یوازې د لیدو لپاره دغه دوکان ته ورشي. یوه بله هندۍ یوټیوبره چې دغه دوکان ته تللې، په خپل کلېپ کې وایي: «رښتیا هم، افغانان خپل ځانګړی وقار او ښکلا لري. ما ترې د سلو روپو سودا وکړه، خو یوازې د دې لپاره چې دا ښایسته او باادبه ځوانان له نږدې وګورم.»
یو بل هندی بیا په ډېر احساس سره هغوی ته په خطاب کې وایي چې دا هلک په کلکته کې زموږ تر ټولو ښایسته ورور دی. هندي رسنۍ او یوټیوبران په دې اند دي چې هند کې افغانان ځوانان نه یوازې سوداګري کوي، بلکې د خپل هېواد د مېلمه پالنې یو غوره انځور یې هم هندیانو ته وړاندې کړی دی.
د خواله رسنیو غوغا؛ افغانان څه وایي؟
دا یوازې هندیان نه دي چې د دغو ځوانانو ستاینه کوي، بلکې افغان کاروونکو هم په دې اړه بېلابېلې تبصرې کړي دي. جان اغا بهار، چې یو له فعالو کاروونکو دی، لیکي: «دا افغان ځوان د خپلې جذابې قوارې او ښه چلند له کبله د میلیونونو هندیانو پام ور اړولی. بس ډېر کله دغسې کوچینی فرصت د بخت د وېښېدو سبب وګرځي.»
عمران غني بیا دا یوه لویه “غوغا” بولي او وایي چې هندیان په دغو افغانانو پسې رامات شوي دي. بل لور ته عابد مومند وایي چې اوس دغه دوکان د سېلانیانو د یوې نندارې په څېر دی؛ خلک ورځي، انځورونه ورسره اخلي او د هغوی له ښه برخورد څخه خوند اخلي.
یو بې نومه شهرت او نوې هیله
که څه هم په ټولو ویډیوګانو کې د دغو هلکانو نومونه چا نه دي اخیستي او هغوی هم په خپله عاجزۍ کې د خپل نوم پر ځای یوازې په مسکا ځواب ورکړی، خو د دوی “بې نومه شهرت” د دوی کاروبار ته نوې ساه ورکړې ده. اوس د دوی د وچو مېوو دوکان د کلکتې په مشهور ځای بدل شوی دی.
دا کیسه موږ ته راښيي چې کله ناکله یو ساده چلند او یوې رښتينې خندا ته د کمرې یو ځل کتل، کولی شي د یو انسان د ژوند کتاب نوې پاڼه واړوي. هند کې افغانان ځوانان اوس یوازې دوکانداران نه دي، بلکې هغوی په غربت او مسافرۍ کې د خپل همت او اخلاقو له لارې د افغانستان د نوم ځلوونکي دي. هغوی هم خوښ دي چې د یوې هندۍ نجلۍ یو کوچني ویډیو کلېپ د دوی د ژوند او کاروبار رنګ په بشپړ ډول بدل کړ.
