جرمني افغان پناه غوښتونکي باسي او جرمني رسنیو راپور ورکړی چې یو شمېر هغه افغان پناهغوښتونکي به افغانستان ته ولېږدول شي چې د پناه غوښتنې غوښتنلیکونه یې رد شوي دي.
د تاګسڅایتونګ د راپور له مخې، ټاکل شوې دغه کسان د لایپزیګ له هوايي ډګر څخه په یوه الوتنه کې کابل ته واستول شي.
دا به له جرمني څخه د هغو افغانانو د ایستلو دویمه ډله وي چې جرمي سابقه نه لري.
د افغان پناهغوښتونکو د ایستلو بهیر
د راپور له مخې، په وروستیو ورځو کې یو شمېر افغان پناهغوښتونکي د اخراج لپاره د اړینو اسنادو د ترلاسه کولو په موخه د طالبانو له ډیپلوماتانو سره لیدنو ته بیول شوي دي. جرمني افغان پناه غوښتونکي باسي؛ یو شمېر رد شوي کسان افغانستان ته لېږي
په ورته وخت کې، په جرمني کې د افغان نارینهوو د پناه او خوندیتوب د غوښتنلیکونو د منل کېدو کچه هم کمه شوې ده.
د جرمني حکومت تر دې مخکې هم افغانستان ته د ځینو افغانانو د ستنولو بهیر پیل کړی و.
د روان کال په چنګاښ میاشت کې جرمني د لومړي ځل لپاره یو شمېر افغانان، چې جرمي سابقه یې نه لرله، افغانستان ته ولېږل.
د جرمني د کورنیو چارو وزیر څه وايي؟
د جرمني د کورنیو چارو وزیر الکساندر دوبریندت ویلي، د افغانانو اخراج به یوازې په جرمني کې پر جرمونو د تورنو کسانو پورې محدود نه وي.
د نوموړي په وینا، هغه کسان هم د ایستلو له بهیر سره مخ کېدای شي چې د جرمني د پاتې کېدو قانوني حق نه لري.
هغه ویلي، د حکومت نوې تګلاره یوازې خطرناک مجرمان نه رانغاړي.
دوبریندت ټینګار کړی چې هغه کسان هم د دې تګلارې برخه دي چې په جرمني کې د پاتې کېدو قانوني حق نه لري او د ټولنې په ادغام کې بریالي شوي نه دي.
د افغان پناهغوښتونکو د اخراج پر وړاندې غبرګونونه
جرمني افغان پناه غوښتونکي باسي؛ خو دغه تګلارې د بشري حقونو د فعالانو او د جرمني د ځینو سیاسي ډلو له غبرګون سره مخ شوې ده.
د اعتراض کوونکو په وینا، افغانستان ته د پناهغوښتونکو ستنول د بشري حقونو له اصولو سره په ټکر کې دي. جرمني افغان پناه غوښتونکي باسي؛ یو شمېر رد شوي کسان افغانستان ته لېږي
دوی له جرمني حکومت څخه د اخراج د بهیر د درولو غوښتنه کړې ده.
یو شمېر مخالفو سیاسي ګوندونو او مدني فعالانو هم د حکومت پر نوې تګلاره نیوکه کړې ده.
په جرمني کې د افغانانو شمېر
د جرمني د رسنیو د شمېرو له مخې، شاوخوا ۴۵۰ زره افغان وګړي په دغه هېواد کې ژوند کوي.
له دې ډلې له ۱۵ زرو ډېر کسان د جرمني له نظره د دغه هېواد د پرېښودو په شرایطو برابر بلل شوي دي.
د افغان پناهغوښتونکو د راتلونکي په اړه د جرمني د حکومت تګلاره لا هم د بحث وړ موضوع ده.
جرمني افغان پناه غوښتونکي باسي او د حکومت د نوې تګلارې له مخې، د اخراج بهیر ښايي یوازې د جرمي سابقې لرونکو کسانو تر کچې محدود پاتې نه شي.
د دې تګلارې عملي کېدل به د جرمني، افغانستان او د بشري حقونو د بنسټونو ترمنځ د بحثونو یوه مهمه موضوع وي.
جرمني افغان پناه غوښتونکي باسي؛ یو شمېر رد شوي کسان افغانستان ته لېږي
