د کامدېش عملیات د دفاع وزارت په وینا پای ته رسېدلي دی. وزارت وايي، نورستان کې ۴۱ وسلهوال وژل شوي او ۶۲ نور نیول شوي دي.
د افغانستان دفاع وزارت زیاتوي، نورستان ولایت کې د وسلهوالو پر ضد پیل شوي عملیات پای ته رسېدلي دي. د وزارت په وینا، په نښتو کې لسګونو وسلهوالو ته مرګژوبله اوښتې ده.
وزارت تېره شپه یوه خبرپاڼه کې ویلي چې د کامدېش عملیات د هغو وسلهوالو پر ضد ترسره شوي چې د ډیورنډ کرښې له هغې غاړې ولسوالۍ ته اوښتي وو.
دفاع وزارت ادعا کوي چې دغو وسلهوالو د پاکستاني پوځي کړیو مرسته ترلاسه کړې وه. د دې ادعا خپلواک تایید نه دی شوی.
۴۱ وسلهوال وژل شوي او ۶۲ نور نیول شوي
د وزارت د وروستیو شمېرو له مخې، په د کامدېش عملیات کې ۴۱ وسلهوال وژل شوي او ۶۲ نور ژوندي نیول شوي دي.
د وژل شویو او نیول شویو کسانو د هویت او تړاو په اړه نور جزیات نه دي ورکړل شوي او دا شمېرې هم په خپلواکه توګه نه دي تایید شوې.
دفاع وزارت په خپله خبرپاڼه کې یاد وسلهوال د داعش او نورو «شر او فساد» ډلو غړي بللي دي.
دفاع وزارت د ورته هڅو پر وړاندې د غبرګون خبرداری ورکړ
وزارت ویلي، امنیتي او دفاعي ځواکونه به هېچا ته اجازه ورنه کړي چې د افغانستان خاورې ته په اوښتو سره ناامني رامنځته کړي.
د وزارت په خبره، که وسلهوالې ډلې بیا ورته اقدام وکړي، د افغان ځواکونو له غبرګون سره به مخ شي.
د کامدېش عملیات له پای ته رسېدو سره دفاع وزارت وايي، په سیمه کې د دغو وسلهوالو پر ضد پیل شوې پوځي مرحله بشپړه شوې ده.
