هندي فلمونه؛ د عامر خان ۶ غوره اثار چې باید ویې ګورئ
هندي فلمونه د رنګینو کیسو، موسیقۍ او پیاوړو کرکټرونو پراخه نړۍ ده؛ دلته د عامر خان له غوره او مشهورو فلمونو سره په هنري او خوندوره ژبه اشنا شئ.
په بالیووډ کې ستوري ډېر دي، خو ځینې داسې څېرې هم شته چې نوم یې یوازې د شهرت له امله نه، بلکې د متفاوتو انتخابونو او یادګاري کرکټرونو له کبله د سینما له تاریخ سره تړل کېږي. عامر خان د همدې محدود شمېر ستورو له ډلې دی.
هغه د خپل څو لسیز هنري سفر په اوږدو کې هڅه کړې چې په یوه قالب کې بند پاتې نه شي. کله د مینې په یوه نرمه کیسه کې راڅرګند شوی، کله یې د تاریخ له دوړو یو کرکټر راایستلی او کله یې د ټولنې پر حساسو موضوعاتو داسې کیسې وړاندې کړې چې تر سینما وروسته هم د لیدونکي په ذهن کې پاتې کېږي.
د عامر خان په کارنامه کې داسې هندي فلمونه شته چې یوازې د تفریح لپاره نه دي؛ ځینې یې د مینې، کورنۍ، ټولنیزو توپیرونو، ازادۍ او انساني اړیکو کیسې په داسې ژبه کوي چې کلونه وروسته هم خپل رنګ نه بایلي.
د عامر خان غوره فلمونه؛ له مینې تر تاریخ او ټولنیزو کیسو
۱ Mann – قلب
ژانر: ډرامه، عاشقانه
ډایرکټر: اندرا کمار
لوبغاړي: عامر خان، منیشا کویرالا او شرمیلا ټاګور
د خپرېدو کال: ۱۹۹۹
IMDb: ۶.۲/۱۰
Mann د مینې هغه کیسه ده چې هر څه پکې په یوه سفر پیلېږي. پریا په کروز بېړۍ کې له یوه ځوان سره اشنا کېږي او دا لنډه پېژندګلوي ورو ورو په داسې احساس بدلېږي چې دواړه یې د بیا لیدو هیله له ځان سره وړي.
خو د سینما د عاشقانه کیسو په څېر، برخلیک تل د مینهوالو د نقشې مطابق نه ځي. د دواړو ژوند داسې لوري ته اوړي چې مینه یې له سختو ازموینو سره مخ کېږي.
فلم د ۱۹۵۷ کال له امریکايي اثر An Affair to Remember څخه الهام اخیستی و. د فلم سندرو هم پراخ شهرت وموند، که څه هم وروسته د موسیقۍ پر ځینو برخو نیوکې وشوې.
۲. Mangal Pandey: The Rising – منګل پانډې
ژانر: تاریخي، ډرامه، جګړهییز
ډایرکټر: کیتان مهتا
لوبغاړي: عامر خان، راني مکرجي او ټوبي سټیفنز
د خپرېدو کال: ۲۰۰۵
IMDb: ۶.۵/۱۰
دلته عامر خان د عاشق پر ځای د تاریخ په یوه توپاني څپرکي کې ولاړ دی.
کیسه د منګل پانډې پر شخصیت راڅرخي؛ هغه سرتېری چې نوم یې د ۱۸۵۷ کال له پاڅون او د بریتانوي واک پر وړاندې له مقاومت سره تړل شوی دی.
فلم یوازې جګړه نه انځوروي. دوستي، خیانت، مینه، وفاداري او د ازادۍ تنده ټول د یوې لویې تاریخي کیسې په منځ کې سره یوځای کېږي. منګل پانډې د یوه انسان له مبارزې د یوه ملت د ویښېدو تر کیسې پورې سفر کوي.
۳. Raja Hindustani – راجا هندوستاني
ژانر: ډرامه، کمدي، عاشقانه
ډایرکټر: درمېش درشن
لوبغاړي: عامر خان، کرشمه کپور او سورېش اوبروی
د خپرېدو کال: ۱۹۹۶
IMDb: ۶.۱/۱۰
کله چې یو عادي ټکسي چلوونکی د یوې شتمنې کورنۍ پر لور مینه پیدا کړي، د زړه او ټولنیز مقام ترمنځ جګړه پیلېږي.
راجا او د هغه محبوبه د کورنۍ له مخالفت سره سره واده کوي، خو اصلي کیسه له همدې ځایه توده کېږي. طبقاتي توپیرونه، کورنۍ مداخلې او د اړیکې دننه اختلافونه د دوی مینه له سخت امتحان سره مخ کوي.
Raja Hindustani د خپل وخت له سترو سوداګریزو بریاوو څخه و او د فلمفیر پنځه جایزې یې وګټلې.
۴. Dil – دل
ژانر: عاشقانه، کمدي، ډرامه
ډایرکټر: اندرا کمار
لوبغاړي: عامر خان، مادوري ډکشیت او سعید جعفري
د خپرېدو کال: ۱۹۹۰
IMDb: ۶.۶/۱۰
Dil د بالیووډ د کلاسیکې مینې له هغو کیسو څخه ده چې طنز، کورنۍ شخړه او احساسات په یوه رنګین چوکاټ کې سره نښلوي.
کیسه له یوه پلار پیلېږي چې غواړي ځان شتمن وښيي، څو زوی یې د یوې بډایې کورنۍ له نجلۍ سره واده وکړي. خو کله چې ریښتینې مینه میدان ته راووځي، د پیسو او مقام ټول حسابونه ګډوډېږي. هندي فلمونه هندي فلمونه هندي فلمونه هندي فلمونه هندي فلمونه هندي فلمونه هندي فلمونه هندي فلمونه
فلم په خپل وخت کې پراخ سوداګریز بریالیتوب ترلاسه کړ او موسیقي یې هم د خلکو ترمنځ ډېره مشهوره شوه.
۵. Ishq – عشق
ژانر: کمدي، ډرامه، اکشن
ډایرکټر: اندرا کمار
لوبغاړي: عامر خان، کاجول، اجي دیوګن او جوهي چاولا
د خپرېدو کال: ۱۹۹۷
IMDb: ۶.۸/۱۰
کله ناکله مینه د شتمنۍ او ټولنیز مقام ټول دېوالونه په یوه شېبه کې نړوي.
په Ishq کې دوه شتمن سوداګر نه غواړي اولادونه یې له بېوزلو کورنیو سره اړیکې ولري، خو برخلیک ورته بل پلان لري. د یوه لور پر یوه بېوزلي مینېږي او د بل زوی د یوې کموسې نجلۍ په مینه کې لوېږي.
له همدې ځایه د والدینو او ځوانانو ترمنځ داسې کشمکش پیلېږي چې طنز، احساسات او ډرامه ورسره اوږه په اوږه روان دي.
دا اثر د خپل کال له ډېرو عاید لرونکو فلمونو څخه شو او د لوبغاړو اجرا، موسیقي او طنزي فضا یې د پام وړ وګرځېدل.
۶. Earth – ځمکه
ژانر: ډرامه، عاشقانه، جګړهییز
ډایرکټر: دیپا مهتا
لوبغاړي: عامر خان، نندیتا داس او راهول کهنه
IMDb: ۷.۶/۱۰
ځینې مینې په ارامه نړۍ کې زېږي؛ ځینې بیا د تاریخ په داسې شېبو کې چې پولې بدلېږي، ټولنې وېشل کېږي او انسانان د خپلو هویتونو له سخت امتحان سره مخ کېږي.
Earth د ۱۹۴۷ کال د هند د وېش په کړکېچنه فضا کې د یوې ځوانې نجلۍ له لیدلوري د مینې، تاوتریخوالي او انساني اړیکو کیسه وړاندې کوي.
عامر خان دلته له خپلو عادي رومانتيکو کرکټرونو لرې، په یوه پېچلي او تیاره رول کې ښکاري. همدا ځانګړنه فلم ته داسې وزن ورکوي چې له یوې ساده عاشقانه کیسې یې ډېر وړاندې وړي.
ولې د عامر خان سینما لا هم د لیدلو ارزښت لري؟
د عامر خان د هنري سفر ځانګړنه یوازې دا نه ده چې بریالي فلمونه یې جوړ کړي دي. مهمه دا ده چې د هغه د فلمونو ترمنځ د موضوعاتو او کرکټرونو پراخ توپیر لیدل کېږي.
په یوه اثر کې عاشق دی، په بل کې یاغي؛ یوه کیسه یې د کورنیو اړیکو پر محور څرخي او بله یې لیدونکی د تاریخ، سیاست او ټولنیزو بدلونونو منځ ته بیايي.
همدا تنوع د هغه اثار د ډېرو نورو هندي فلمونه څخه بېلوي او د بېلابېلو ذوقونو لیدونکو ته د انتخاب پراخه ساحه ورکوي.
له ساتېرۍ ورهاخوا د کیسې ځواک
د بالیووډ جذابیت یوازې په سندرو، رنګونو او ستورو کې نه دی. یوه ښه کیسه هغه وخت ژوندۍ پاتې کېږي چې لیدونکی په کرکټرونو کې د خپل ژوند، مینې، ماتې، هیلو او مبارزې یوه برخه وویني.
د عامر خان د کارنامې ګڼ هندي فلمونه همدا ځانګړنه لري؛ ځینې به مو وخندوي، ځینې به مو احساساتي کړي او ځینې به تر پای وروسته هم ذهن په پوښتنو بوخت وساتي.
له Mann او Dil څخه تر Mangal Pandey او Earth پورې، هر اثر د عامر خان د سینما د سفر یوه جلا څېره وړاندې کوي. او ښايي همدا دلیل وي چې د هغه زاړه فلمونه هم د نوو لیدونکو لپاره د بیا موندلو ارزښت لري.
