ناټو ترکیه کې د افغان فوځیانو روزنه پیل ګړه
![ترکیې کې د عسکرو روزنه](https://afghannow.net/wp-content/uploads/2021/07/ترکیې-کې-د-عسکرو-روزنه-.png)
ناټو ترکیه کې د افغان فوځیانو روزنه پیل ګړه. ناټو وايي، له ژمنې سره سم یې له افغانستانه بهر دافغان حکومت د عسکرو د روزنې پروګرام پیل کړی دی.
په بلجیم کې د ناټو سازمان رسنیز دفتر یو چارواکي د نوم نه ښودلو په شرط رسنیو ته ویلي، چې د جون میاشتې په سرمشریزه کې ددغه تړون د ۳۰ غړو هېوادونو مشرانو پرېکړه کړې وه چې دوی به له افغانستان سره د مرستو ترڅنګ د حکومت د عسکرو روزنې او مالي مرستو ته دوام ورکوي.سرچینه زیاتوي چې د همدې پرېکړې او ژمنې په اساس اوس له افغانستانه بهر د حکومت د عسکرو روزنه پیل شوې ده خو د امنیتي دلایلو له امله یې هغه ځای مشخص نه کړ.
د ترکیې الصباحورځپاڼې پرون د پنجشنبې په ورځ لیکلي چې د تیرې چهارشنبې په ورځ د کابل حکومت د ځانګړو ځواکونو لومړۍ ډله دغه هېواد ته رسېدلې ده.د افغان حکومت دفاع وزارت د ناټو لخوا په ترکیه کې د عسکرو د روزنې پروګرام له پیل څخه د هرکلي ترڅنګ ویلي، چې دوی په دغه پروګرام کې د ګډون لپاره آماده دي.
![20210731 102628](https://afghannow.net/wp-content/uploads/2021/07/20210731-102628.jpg)
بلخوا بیا ددفاع وزارت ویاند روح الله احمدزي رسنیو ته ویلي، ناټو تردې وړاندې له تروریزم سره د مقابلې په خاطر د کابل حکومت عسکرو سره مرسته او ملګرتیا کړې، چې په خبره یې ډیره ګټوره وه او اوس چې له هېواده بهر ددغه سازمان لخوا د عسکرو روزلو پروګرام پیل شوی دوی یې هرکلی کوي.
د څارونکو په باور په ترکیه کې د افغان حکومت د عسکرو د روزلو پروګرام پیلول ښايي د ترکیې په وړاندې د افغان ولس او په ځانګړې توګه د طالبانو حساسیتونه نور هم زیات کړي.دا په داسې حال کې ده چې ترکیې تردې وړاندې له امریکا سره د یوې هوکړې له مخې غوښتل د کابل نړیوال هوايي ډګر امنیت ساتلو په پلمه خپل عسکر په افغانستان کې وساتی خو دا خبره خبره لا هم هم معلومه نده.