د اوبو او برېښنا وزیر ریسانو سره تعرفي ناسته وکړه
![او انرژی وزارت](https://afghannow.net/wp-content/uploads/2021/09/اوبو-او-انرژی-وزارت-.png)
د اوبو او برېښنا وزیر ریسانو سره تعرفي ناسته وکړه د اوبو او برېښنا سرپرست وزیر د وزارت د اوبو د برخې له رئیسانو سره د پیېژندګلوئ په لیدنه کې د هغوي وروستي فعالیتونه او لاسته راوړنې واورېدې.
دا جلسه د اوبو او برېښنا وزارت د سرپرست ملا صاحب عبداللطیف منصور تر رهبرۍ لاندې د اوبو د برخې د تخنيکي مرستیال، مرکزي او ځینو حوزوي رئیسانو په ګډون ترسره شوه.او او د دوی لخوا ورته اړوندو موضوعاتو باندې پرېزنټیشنونه هم ورکړل شول.
![fb img 1632306936413](https://afghannow.net/wp-content/uploads/2021/09/fb-img-1632306936413-1024x732.jpg)
په دې جلسه کې ناسته کې د یاد وزارت مالي او ادارې لوی رئیس احمد رشاد حکیم د ادارې جوړښت، تشکیلاتو، د بندونو د لویو پروژو لکه شاه و عروس، کجکي، پاشدان او نورو … د پرمختګ او وضیعت، پلانونو او نورو ادارې او تخنیکي فعالیتونو په اړه لازم معلومات د اوبو او برېښنا وزارت رهبرۍ مقام په حضور کې وړاندې کړه.
په دوام یې نورو رئیسانو په خپل وار سره د ادارې د چارو د ښوالي په موخه خپل وړاندیزونه او نظریات د اوبو او برېښنا وزارت سرپرست وزیر ښاغلي منصور سره شریک کړه.
د فعالیتونو په اړه د راپور او وړاندیزونو تر ارزونې وروسته، د اوبو او برېښنا وزارت سرپرست وزیر ښاغلي مولوی صاحب عبداللطیف منصور د اړوندو رئیسانو د صادقانه فعالیتونو او کوښښونو قدرداني وکړه او د چارو د غوره والي په موخه یې لازم سپارښتنې وړاندې کړې.