مزارکې د نوروز بیرغ دشپې لخوا اوچت شو.

کرونا ویروس یو وبايي ناروغي ده د ژوند په ټولو اړخونو یی اثر کړۍ دۍ عام وګړي نشي کولۍ چې په ازاده فضاء کې تګ راتګ وکړي خلکو ته په جوماتونو پر ځاۍ کورو کې د لمونڅ کولو امر شوۍ دۍ.په همدې لړ کې د لبنان حکومت اعلان کړى دى، چې په دغه هېواد کې به د مۍ له ٢٢مې نېټې څخه خلک وکولاى شي چې د جمعې لمونځ په ګډه په جوماتونو کې ادا کړي، خو نور فرض لمونځونه بايد په کورونو کې وکړي. .

د یو ې رسنۍ د راپورله مخې ، د لبنان د اوقافو ادارې ويلي دي، چې د کورونا ويروس په اړه د روغتيا وزارت د راپورونو په بنياد به دوى ورو ورو د فرض لمونځونو ادا کولو لپاره هم خلکو ته اجازه ورکړي. د اوقافو ادارې همدا راز له لمونځ کوونکو غوښتنه کړې ده، چې هغه کسان چې د جمعې د لمانځه لپاره جومات ته ځي، بايد احتياطي تدابير عملي کړي او همدا راز اودسونه دې هم په کورونو کې کوي.

دوى زياته کړې ده، چې جوماتونو ته له ننوتلو مخکې دې سينيټايزر کاروي، دستکشې دې په لاس کوي او همدا راز ماسکونه دې هم اچوي. دوى وايي چې هر يو کس بايد خپل جاينماز هم له ځان سره له کوره راوړي او جومات ته له ننوتلو مخکې بايد ټول کسان په ترماميټر بايد وکتل شي.

د اوقافو ادارې همدا راز ويلي دي، چې هغه کسان چې د کورونا ناروغۍ نښې ولري او يا هم نورې ناروغۍ لري، جوماتونو ته د ننوتلو اجازه دې نه ورکول کېږي. په راپور کې ويل شوي دي چې سپين ږيري دې د جمعې د لمانځه لپاره جوماتونو ته نه ځي او په کورونو کې دې لمونځونه وکړي.

دوى وايي، چې ښځو او ماشومانو باندې د جمعې لمونځ فرض نه دى، نو دوى ټول دې جوماتو پر ځاۍ کورونو کې لمونځونه وکړي. ترڅو د ډیرې خطر مخنیوۍ وشي. او ماشومان د دغې ناروغۍ نه بچ شي. .

یادې ادارې د ټولو جوماتونو امامانو ته ويلي دي، چې د جمعې د لمانځه خطبه دې له ١٠ دقيقو زياته نه کوي او همدا راز د خلکو ترمنځ دې ټولنيز واټن وساتي.

دا هم باید یاده کړو چې که څه هم بازې ملکونو کې لاک ډاون ختم کړۍ شو او ډیر محدودیتونه ختم کړۍ شو خو بیا هم موږ باید خپل هېواد افغانستان کې د احتیات نه کار واخلو او خپل هیواد کې ژوند ډیر په احتیات سره تیر کړو تر څو د دغه ویروس د نور خپریدو نه مخنیوۍ وشي. .

د باجوه سفر

د کرونا ویروس له امله د پاکستان علماو له خلکو څخه غوښتنه کړې ده، چې جوماتونو ته مه راځئ او خپل لمونځونه په کورونو کې وکړئ دوى همدا راز خلکو ته ويلي دي، چې د جمعې د ورځې لمانځه ته هم جومات ته مه راځئ او په خپلو کورونو کې د جمعې لمونځ هم ادا کړئ.

د پاکستاني رسنيو د راپورونو په وېنا، د پاکستان مشهور عالم مفتي نعيم له خلکو څخه غوښتنه کړې ده، چې د کورونا ويروس په چټکۍ سره خپرېږي، خلک دې د حکومت خبره ومني، همدا راز يو بل مولانا راغب نعيمي هم خلکو ته ويلي دي، چې په خپلو کورونو کې لمونځونه وکړئ او خپل ژوند خوندي کړئ.

په راپورونو کې ويل شوي دي، چې مفتي نعيم وويل، چې حکومت د ګرځبندېز پرېکړه کړې ده، نو خلکو ته پکار دي چې د جمعې د ورځې لمونځ هم په کور کې وکړي، ځکه چې د کورونا ويروس په چټکۍ خپرېږي نو د حکومت خبره دې خلک ومني.

همدا راز مولانا راغب نعيمي بيا ويلي دي، چې حکومت يا کوم عالم نه غواړي چې جوماتونه دې تړلي وي، خو موږ ته د خلکو خونديتوب ډېر مهم دى، نو خلک دې لمونځونه په کورونو کې وکړي.

د يادولو ده چې د کورونا ويروس د مخنيوي په پار د نړۍ ډېرى اسلامي هېوادونو کې جوماتونه تړل شوي دي او له خلکو څخه غوښتنه شوې ده چې لمونځونه دې په خپلو کورونو کې وکړي.

د سعودي عربستان حکومت بيا د نورو جوماتونو تر څنګ مسجد نبوي او مسجد الحرام هم تړلي دي.د یادونې وړ ده د سعودي عربسنان علماو هم فتوا ورکړې وه چې خلک دې د جوماتو پرځاۍ کورونو کې لمونځ کوي.

خو بل لوري ته په افغانستان کې، چې دغه ويروس پکې په چټکۍ سره خپرېږي، لا هم په جوماتونو کې د جمعې لمونځ او نور لمونځونه په جمعې سره ادا کېږي.