د روغتیا وزارت:۱۰ میلیونه افغانان په کرونا اخته دي

د افغانستان عامې روغتيا وزارت وايي چې کورونا ويروس که همداسې نور هم دوام وکړي نو د افغانستان به نور هم روغتیايي بحران سره مخ شي خلک بايد د دې وبا په مهارولو کې خپل ګټور رول ادا کړي.ترڅو افغانستان له دغه بحرانه ژر تر ژره اوویستل شي.

د هیواد روغتيا وزارت وايي، چې کورونا ناروغي درملنه نه لري او له خلکو غواړي چې په خپلو تدبيرونو او روغتيايي سپارښتنو سره يې مخه ونيسي.دويي زیاتوي چې افغانستان یو غریب هیواد دۍ باید افغانان په دغه سخت حالت کې د افغان دولت سره یو لاس شي او د دولت او طبي متخطیطینو په لارښوونو عمل وکړي

د دغه وزارت مرستيال وحيد مجروح وايي، دا ويروس په چټکۍ سره د خپرېدو په حال کې دى او د خلکو له همکارۍ پرته يې مخنيوى امکان نه لري.نو باید د نورولارښوونو په څنګ عام خلک باید بې ځایه تګ راتګ څخه ډده وکړي که د جا ضروري کار نه وي نو باید بیرون ته دې مه راوځي.

بل خوا ته د افغان جاپان روغتون ډاکټر محبوب الله شفيق وويل، روغتونونو کې د ناروغانو ځاى نه کېږي. هغه له خلکو هيله وکړه چې نور د کورونا وبا پر وړاندې بې پروا پاتې نه شي.نو له دې معلوميږي که چېرې دغه ناروغي مونږ جدي وه نه نیسو او د روغتون پر ځاۍ د طب متخصیصینو په لارښوونه عمل ونه کړو نو هیواد به مو د امریکا او ايټالیا نه بد تر شي او کرونا به نوره هم خپره شي.

افغانستان کې د کورونا ويروس مثبتې پېښې له ٢٠ زرو څخه پورته شوې دي، خو د کابل والي تېره ورځ ويلي و، چې ښايي په کابل کې له يو ميليون زيات کسان کورونا نيولي وي.هغه دغه خبره د موجوده حالات په نظز کې نیولو سره کړې ده او ريښټیا هم که مونږ احتیات ونه کړ نو دغه ویروس به ۱ میلیون نه واوړي.

د یادونې وړ ده چې کابل کې د حکیم الکوزي په نوم باندې یو حکیم د کرونا ویروس لپاره حکیمي درمل جوړ کړۍ وو او نومړي دا دعوه کوله چې په نبم سات کې دننه دغه درمل کولۍ شي چې کرونا له منځه یوسي خو بیا د روغتیا وزارت په دغه درمل بندیز ولګاو او دغه درمل ېې نا سم اعلان کړ.

دا هم باید یاده کړو چې په ټوله نړۍ کې په کرونا ویروس اخته کسانو شمیر له ۶ نیم میلیونو نه زیات شوۍ دۍ او د مړو شمیر له ۳ لکو نه ریات مړدي د یو راپور له مخې د دغې ناروغۍ نه ۳ نیم لکو نه زیات کسان ټوله نړۍ کې رغیدلي دي.

افغانستان کې د کرونا ویروس پېښوشمېر زیات شو

د افغانستان د روغتیا وزارت په دغه هیواد کې د کورونا ناروغۍ د یوې بلې پېښې خبره کوي د دې وزارت ویاند وحید مایار د سې شنبې په ورځ( د مارچ ۱۰) بي بي سي ته وویل، د افغانستان شمال ته په سمنګان ولایت کې یو کس کورونا نیولی دی د هغه په خبره، دې پېښې سره افغانستان کې پر کورونا د اخته کسانو شمېر پنځو ته ورسېد

د دې ناروغۍ نورې پېښې تراوسه یوازې له ایران سره ګاونډي هرات ولایت کې وې. تر اوسه د افغانستان مختلفو ولایتونو کې د کورونا لسګونه شکمنې پېښې معاینه شوې، خو منفي بلل شوې دي دا شکمنې پېښې، په هرات، هلمند، فراه، غور، بغلان، بلخ، فاریاب، غزني، لوګر او کابل کې ټولې شوې وې

تر اوسه د افغانستان مختلفو ولایتونو کې د کورونا لسګونه شکمنې پېښې معاینه شوې، خو منفي بلل شوې دي. دا شکمنې پېښې، په هرات، هلمند، فراه، غور، بغلان، بلخ، فاریاب، غزني، لوګر او کابل کې ټولې شوې وې

د کورونا د مخنیوي لپاره تدبیرونه

افغان ولسمشر محمد اشرف غني د کورونا ویروس د خپرېدو د مخنیوي لپاره د ملي پګړې یا بسیج غوښتنه کړې ده.

افغان حکومت د دې ناروغۍ د خپرېدو د مخنیوي لپاره ۲۵ میلیونه ډالر ځانګړي کړي دي.

ولسمشر غني څو ورځې مخکې د ملي شورا د پرانیستې غونډه کې وویل، که افغانستان کې د کورونا خپرېدل چټک شي، حکومت به له دې ویروس سره د مقابلې لپاره ملي بودیجه باندې بیا کتنه وکړي او د تصویب لپاره به یې بیا ولسي جرګې ته واستوي.

د ممکنه ناروغانو د پېژندلو لپاره د افغانستان پولو او هوايي ډګرونو کې ځانګړي تدبیرونه نیول شوي، خو پر دې ویروس د اخته کس د پېژندلو لپاره یوازې پلازمېنه کابل کې امکانات شته او شکمن کس باید د معاینې د نتیجې تر روښانېدو پورې اړوند ولایت کې قرنطین شي.

د کورونا ویروس د ازمېښت ډبی ۱۶ سوه ډالر لګښت لري چې د ۵۰ کسانو د معاینې لپاره کارېدلی شي.

افغان حکومت وايي، هرات ولایت کې به ښوونځي او پوهنتونونه په ځنډ پرانیستل شي.

د روغتیا وزارت له خلکو غوښتي چې د نوروز مراسمو او غونډو کې ګډون ونه کړي.

ازبکستان له افغانستان سره پوله تړلې او پاکستان هم پر سپین بولدک دروازه تګ راتګ د یوې اونۍ لپاره بند کړی دی.

افغانستان هم لومړیو کې له ایران سره پوله وتړله، خو وروسته یې پرانیسته.

کندهار ولايتي ادارې په کرونا باندې مصرف شوې بودېجې په اړه معلومات وړاندې کړل

په هرات ولایت کې د کورونا وېروس درې نورې مثبتې پېښې هم ثبت شوي دي، چې په دې سره په افغانستان کې مثبتې پېښې څلور او ټولې مشکوکې پېښې ۳۶ ته رسېدلې دي.

د روغتیا وزارت ویاند وحیدالله مایاررسنیو ته ویلي، په تېرو ۲۴ ساعتونو کې پر کورونا ویروس یا (کوویډ-۱۹) ۳۶ مشکوکې نمونې تر لابراتواري معاینو لاندې وې، چې له ډلې یې د هرات ۳ مثبتې ثابتې شوي او ۳۳ نورې منفي وې.

له دې درېيو مثبتو پېښو سره، په افغانستان کې پر کورونا وېروس یا (کوویډ-۱۹) د اخته کسانو شمېر څلورو ته رسېدلی.

ښاغلي مایار زیاته کړې له درېیو کسانو دوه یې له ایران راغلي او پر کوویډ-۱۹ وېروس اخته و او یو بل له دوی سره په اړیکه کې و.

ښاغلي مایار رسنیو ته په یوه استول شوې خبرپاڼه کې هم ویلي، په هرات کې په دې وېروس دا اخته ۴ ناروغان په یوه ځانګړي ځای(Isolation Ward) کې درملل کېږي.

پرون جمعه (مارچ ۶) د عامې روغتیا وزارت چارواکو ویلي وو، د کورونا وېروس ۳۶ نوې مشکوکې پېښې یې ثبت کړي. ددوی په ټکو دا نوې مشکوکې پېښې په ۱۳ ولایتونو کې ثبت شوي دي او په لابراتوار کې تر څېړنې لاندې دي.

افغان چارواکي وايي، اوس د ټولو مشکوکو پېښو شمېر ۱۱۹ ته لوړ شوی، چې درې نورې پېښې یې مثبتې ثابتې شوې او پاتې نورې یې مشکوکې دي.

د عامې روغتیا وزارت چارواکو له خلکو غوښتي چې د کورونا وېروس د مخنیوي لپاره د نوي کال په جشنونو کې له ګډونه ډډه وکړي. په هرات کې ولایت کې د نوي ښوونیز کال پیل هم ځنډول شوی دی.

د عامې روغتیا وزیر ښاغلي فیروزالدین فیروز د پنجشنبې (د کب ۱۵مه) په ورځ یوه خبري غونډه کې هم ویلي و چې د کورونا د هرې معاینې لګښت ۳۲ ډالره کیږي. ښاغلي فیروز زیاته کړې وه چې کیټونه رالیږل شوي چې د هر کیټ بیه ۱۶ سوه ډالره ده او یو کیټ د ۵۰ ناروغانو لپاره بسنه کوي.

دا نوي معلومات یوه ورځ وروسته له هغه په ډاګه کېږي چې افغان ولسمشر محمد اشرف غني له چارواکو وغوښتل له ایران سره پر ګډه پوله د څار امکانات زیات کړي.

په ایران کې تر تېرې جمعې ورځ (مارچ ۶) د کورونا ۱۲۳۴ نوې مثبت پېښې ثتب شوې وې.

د ایران د روغتیا وزارت د معلوماتو له مخې، اوس پر کورونا وېروس د اخته کسانو شمېر څلور زره ۷۴۷ تنو ته رسېدلی او د مړو شمېر ۱۲۴ ته لوړ شوی دی.